Budget 2026 सुरु होताच शेअर बाजारात दिवाळी, ‘या’ कंपन्यांच्या शेअर्समध्ये लक्षणीय वाढ… निफ्टी आणि सेन्सेक्सचे ‘अच्छे दिन’

Gainer on Budget Day: देशाच्या अर्थमंत्री निर्मला सीतारामण यांनी संसदेत अर्थसंकल्प सादर करण्यास सुरुवात केली आणि दुसऱ्या बाजूला शेअर बाजार मोठ्या हालचाली दिसून आल्या. बजेटची सुरुवात झाल्यानंतर काही शेअर्समध्ये अचानक लक्षणीय वाढ झाली आहे. बजेट सादर होत असताना निफ्टी आणि सेन्सेक्सचे ‘अच्छे दिन’ दिसून आले. दरम्यान, निवडक शेअर्समध्ये 10% किंवा त्याहून अधिक तेजी दिसून आली. अशा प्रकारची तेजी सामान्यतः तेव्हा दिसून येते जेव्हा स्मार्ट मनी एखाद्या विशिष्ट थीम किंवा क्षेत्रात वेगाने स्थान निर्माण करतं.

Zelio E Mobility आणि Garware Marine Industries च्या शेअर्समध्ये लक्षणीय वाढ…

बजेट सादर होत असताना Zelio E Mobility सर्वाधिक चर्चेत आली. Zelio E Mobility च्या शेअर्समध्ये झटक्याट 10 टक्क्यांनी वाढ झाली आहे. हा शेअर 268 रुपयांवर ट्रेड करताना दिसत आहे. Zelio E Mobility ही कंपनी इलेक्ट्रीक व्हीकल आणि ई – मोबिलिटी संबंधित आहे. अर्थसंकल्पात हरित ऊर्जा, ईव्ही पायाभूत सुविधा आणि स्वच्छ वाहतुकीबाबत काही प्रकारचे प्रोत्साहनाची अपेक्षा या स्टॉकच्या वाढीचं कारण असल्याचं मानलं जात आहे. ई – मोबिलिटी सेक्टर पूर्वीपासून गुंतवणुकदारांच्या रडारवर आहे. बजेटच्या दिवाशी झालेली वाढ विश्वास दर्शवते.

याच प्रमाणे शिपबिल्डिंगमध्ये सक्रिय असलेली कंपनी Garware Marine Industries च्या शेअर्समध्ये देखील 10 टक्क्यांनी वाढ झाली आहे. बजेट सादर होताच, या शेअरने 27 रुपयांचा उच्चांक गाठला. कंपनी सागरी आणि मासेमारीशी संबंधित उत्पादने बनवते. पायाभूत सुविधा, बंदरे, शिपिंग आणि ब्लू इकॉनॉमी क्षेत्रावर बजेटमध्ये लक्ष केंद्रित करण्याच्या अपेक्षांमुळे शेअरमध्ये खरेदी वाढली.

एयरोस्पेस आणि डिफेंस सेक्टरशी संबंधित असलेल्या High Energy Batteries ने देखील गुंतवणुकदारांना चकित रेलं आहे. या कंपनीच्या शेअर्समध्ये 10.10 टक्क्यांनी वाढ झाली आहे. कंपनीचे शेअर 10.10 टक्क्यांनी वाढून 619 रुपयांवर ट्रेड करत आहेत. संरक्षण उत्पादन, स्वदेशीकरण आणि धोरणात्मक क्षेत्रांमध्ये सरकारी खर्च वाढण्याची अपेक्षा असल्याने या क्षेत्रात आधीच सकारात्मक चित्र दिसत आहे.