मुकेश अंबानी यांना मागे टाकत गौतम अदानी बनले आशियातील सर्वात श्रीमंत व्यक्ती, इतकी वाढली संपत्ती

Gautam Adani : भारतातील मोठे उद्योगपती मुकेश अंबानी यांना उद्योगपती गौतम अदानी यांनी मागे टाकले आहे. गौतम अदानी आता भारतालेच नव्हे तर आशियातील सर्वात श्रीमंत व्यक्ती बनले आहेत. गौतम अदानी यांनी जगातील अब्जाधीशांच्या यादीत मोठी झेप घेतली आहे. ते जगात आता 12 व्या स्थानावर पोहोचले आहेत. गौतम अदानी यांच्या संपत्तीत प्रचंड वाढ झाली आहे. त्याच्या संपत्तीत २४ तासांत ७.६ अब्ज डॉलरची वाढ झाली आहे.

अब्जाधीशांच्या यादीत मुकेश अंबानी 12 व्या स्थानावरून 13 व्या स्थानावर घसरले आहेत. ब्लूमबर्ग बिलियनर्स इंडेक्सनुसार, मुकेश अंबानींची संपत्ती (mukesh ambani net worth) 97 अब्ज डॉलर्स आहे. गेल्या 24 तासांत त्याची एकूण संपत्ती $665 दशलक्षने वाढली आहे.

गौतम अदानी यांची एकूण संपत्ती किती?

अदानी समूहाचे मालक आता भारतातील सर्वात श्रीमंत व्यक्ती तर आहेतच पण जगात अब्जाधीशांच्या यादीत 12 व्या क्रमांकावर आले आहेत. गुरुवारपर्यंत ते या यादीत 14 व्या क्रमांकावर होते, मात्र 24 तासांत त्याने केलेल्या प्रचंड कमाईमुळे त्याच्या नेट वर्थमध्ये चांगली वाढ झाली आणि ते 14 व्या स्थानावरून 12 व्या स्थानावर पोहोचले आहेत. ब्लूमबर्ग बिलियनेअर्स इंडेक्सनुसार, गौतम अदानी यांची एकूण संपत्ती $97.6 अब्ज झाली आहे.

गौतम अदानी यांची संपत्तीत मोठी वाढ?

गौतम अदानी यांना हिंडेनबर्ग प्रकरणात सर्वोच्च न्यायालयाने दिलासा दिल्यानंतर त्यांच्या संपत्तीत मोठी वाढ झाली आहे. गौतम अदानी यांच्या कंपन्यांच्या शेअर्समध्ये वाढ होताना दिसत आहे, त्यामुळे कंपनीचे मूल्य वाढत आहे. त्यामुळेच गौतम अदानी यांच्या संपत्तीतही वाढ झाली आहे. याप्रकरणी सेबीचा तपास योग्य मार्गावर असल्याचे सर्वोच्च न्यायालयाने म्हटले होते. बाजार नियामक सेबीला 24 पैकी उर्वरित 2 प्रकरणांची चौकशी करण्यासाठी आणखी 3 महिन्यांची मुदत देण्यात आली आहे.

अदानी समूहाच्या शेअर्समध्ये वाढ

गेल्या दोन दिवसांच्या वाढीसोबतच शुक्रवारी अदानी समूहाच्या शेअर्समध्येही जोरदार वाढ दिसून आली. BSE वर ACC सिमेंटचे शेअर्स 3.20% वाढून 2,352 रुपये प्रति शेअर झाले. यासह अदानी पोर्ट सुमारे 3 टक्के, अदानी पॉवर 2 टक्के, अदानी टोटल गॅस 2 टक्के, अदानी विल्मर शेअर 0.12 टक्के, अंबुजा सुमारे 3 टक्क्यांनी वाढले. तर अदानी एंटरप्रायझेसचे शेअर्स 0.18 टक्क्यांनी घसरले. याशिवाय अदानी एनर्जी सोल्युशन्स 0.41% आणि अदानी एनर्जी 0.43 टक्क्यांनी घसरले.