Gold Silver Rate Today 14 February 2025 : व्हॅलेंटाईन डे रोजी सोने-चांदीला दरवाढीचे भरते, गिफ्टसाठी खाली करावा लागणार खिसा, इतका वधारला भाव

सोने आणि चांदीची किंमत

गेल्या काही दिवसांत सोन्याच्या दणादण किंमती वधारल्या. किंमतीत तुफान आले आहे. सराफा बाजारात आता ग्राहक फिरकेनास झाला आहे. तर चांदीत गेल्या काही दिवसात उसळीनंतर मोठी शांतता दिसून येत आहे. किंमतीत मोठा बदल झालेला नाही. तर दुसरीकडे सोन्यात चढउताराचे सत्र दिसून येत आहे. व्हॅलेंटाईन डे ला प्रियजनांना महागडे गिफ्ट देण्याचा विचार करत असाल तर आज सोने खरेदीसाठी अधिक पैसा मोजावा लागणार आहे. आता 18K, 22K, 24K सोन्याच्या तर एक किलो चांदीची अशा आहेत किंमती…(Gold Silver Price Today 14 February 2025 )

सोन्याचा भाव वधारला

या आठवड्यात सोन्याच्या किंमतीत चढउताराचे सत्र दिसले. सोमवारी सोने 400 आणि मंगळवारी 320 रुपयांनी वधारले. तर बुधवारी 710 रुपयांनी सोन्याचा भाव गडगडला. तर गुरुवारी त्यात 400 रुपयांची वाढ झाली. गुडरिटर्न्सनुसार, आता 22 कॅरेट सोने 79,950 रुपये प्रति 10 ग्रॅम तर 24 कॅरेट सोन्याचा भाव 87,200 रुपये प्रति 10 ग्रॅम आहे.

चांदी पांघरूण घेऊन झोपली

गेल्या 5 फेब्रुवारी रोजी चांदी 1000 रुपयांनी वधारली होती. तेव्हापासून ते 14 तारखेपर्यंत चांदीत कोणताही बदल झालेला नाही. किंमतीत मोठा बदल दिसलेला नाही. चांदीने लाखाच्या उंबरठ्यावर मुक्काम ठोकला आहे. या आठवड्यात गुडरिटर्न्सनुसार, एक किलो चांदीचा भाव 99,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 85,748, 23 कॅरेट 85,405, 22 कॅरेट सोने 78,545 रुपयांवर आहे. 18 कॅरेट आता 64,311 रुपये, 14 कॅरेट सोने 50,163 रुपये प्रति 10 ग्रॅमवर आहे. एक किलो चांदीचा भाव 95,549 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.