ही विदेशी बँक खरेदी करण्याच्या शर्यतीत HDFC, Axis, Kotak महिंद्रा; ‘या’ बँकांमध्ये जोरदार स्पर्धा

नवी दिल्लीः अमेरिकन बहुराष्ट्रीय बँक सिटी बँकेने भारतातील व्यवसाय बंद केलाय. आता हा व्यवसाय विकत घेण्यासाठी इतर बँकांची तयारी सुरू आहे. मीडिया रिपोर्ट्सनुसार, एचडीएफसी बँक, अॅक्सिस बँक, कोटक महिंद्रा बँक आणि इंडसइंड बँकेने सिटी बँकेचे इंडिया ऑपरेशन्स खरेदी करण्यासाठी बोली लावली. त्याची मुदत 22 ऑक्टोबर रोजी संपली. डीबीएस बँकेने यापूर्वीही म्हटले होते की, ते सिटीबँकेचा भारतातील व्यवसाय खरेदी करण्यास इच्छुक आहेत. काही लोकांच्या मते, डीबीएस बँकेने बोली प्रक्रियेत भाग घेतला नाही. असे मानले जात होते की, जेव्हा सिटीबँक आपले भारतीय कामकाज विकेल, तेव्हा खरेदीदारांकडून चांगले व्याज मिळेल. सिटीग्रुपने उच्च मूल्यमापनाची मागणी केल्यामुळे अनेक खरेदीदारांनी माघार घेतली.

ग्राहकांच्या संख्येत सातत्याने घट

जेव्हापासून सिटी बँकेने भारतीय बाजारातून बाहेर पडण्याचा निर्णय घेतला, तेव्हापासून त्याच्या ग्राहकांच्या संख्येत मोठी घट झाली. त्याचा बाजारातील हिस्सा सतत कमी होत आहे. अशा स्थितीत त्याचा व्यवसाय काही महिन्यांपूर्वी होता तितका आकर्षक नाही.

मोठ्या बँकांना फारसा फायदा होणार नाही

अलीकडेच क्रेडिट सुईसचा अहवाल आलाय. या अहवालानुसार, सिटीबँकेचा किरकोळ व्यवसाय (क्रेडिट कार्ड आणि तारण कर्ज) मोठ्या बँकेत विलीन झाल्यास, त्यांची कर्जे आणि ठेवींमध्ये कमाल 3-6 टक्क्यांनी वाढ होणार आहे.

119 वर्षांनंतर भारताचा निरोप

मात्र कोटक महिंद्रा बँक आणि इंडसइंड बँकेला या कराराचा खूप फायदा होऊ शकतो. कोटक महिंद्राच्या कर्ज आणि ठेवींमध्ये 13 टक्क्यांची आणि इंडसइंड बँकेची 20 टक्क्यांनी वाढ होईल. सिटी बँक इंडियाचे सध्या 2.6 दशलक्ष क्रेडिट कार्ड वापरकर्ते आहेत. हे एकत्र केल्यास कोटक आणि इंडसइंड बँकेचा ग्राहकसंख्या दुप्पट होईल. बचत ठेवींच्या आधारे कोटक 30 टक्क्यांनी आणि इंडसइंड बँक 60 टक्क्यांनी वाढेल. सिटी बँकेने भारतासह एकूण 13 देशांमधून बाहेर पडण्याचा निर्णय घेतला होता. यामध्ये ऑस्ट्रेलिया, बहरीन, चीन, इंडोनेशिया, कोरिया, मलेशिया, फिलिपिन्स, पोलंड, रशिया, तैवान, थायलंड आणि व्हिएतनाम या देशांचा समावेश आहे.

भारतात सिटी बँकेचा व्यवसाय किती मोठा?

119 वर्षांपूर्वी 1902 मध्ये सिटी बँक भारतात आली. त्याचे पहिले ऑपरेशन कोलकाता शहरातून सुरू झाले. सिटीबँक ग्रुप भारतातील क्रेडिट कार्ड, रिटेल बँकिंग, होम लोन आणि वेल्थ मॅनेजमेंटमध्ये व्यवहार करतो. या बँकेच्या भारतात 35 शाखा आहेत आणि सध्या ग्राहक बँकिंग व्यवसायात सुमारे 4,000 कर्मचारी कार्यरत आहेत. भारतातील सिटीबँकच्या एकूण ग्राहकांबद्दल बोलायचे झाले तर ही संख्या सुमारे 29 लाख आहे. या बँकेत 12 लाख खाती असून, एकूण 22 लाख ग्राहकांकडे सिटी बँकेचे क्रेडिट कार्ड आहे.

संबंधित बातम्या

नियमित गुंतवणूक अन् बचतीमध्ये 1 टक्के नियमाचे काय फायदे? जमा भांडवलामध्ये 5 वर्षांत दुप्पट वाढ

पंतप्रधान गरीब कल्याण पॅकेजमध्ये सरकारची मोठी सुविधा, लाभ घेण्यासाठी असा करा अर्ज?