बँकेत FD घेण्याचा विचार करताय, तर या 4 गोष्टी नक्कीच लक्षात ठेवा, तुम्हाला मोठा फायदा

Tax Collection

नवी दिल्ली : मुदत ठेवींना दीर्घकाळ गुंतवणुकीचा पर्याय मानला जातो. बऱ्याचदा लोक FD मध्ये गुंतवणूक करण्यास प्राधान्य देतात. त्यांचे आर्थिक उद्दिष्ट पूर्ण करण्यासाठी म्हणजेच घर बांधणे, कार खरेदी करणे, लग्न आणि उच्च शिक्षण यासाठी एफडीचा पर्याय स्वीकारतात. शिवाय FD मध्ये गुंतवणूक केल्याने तुम्हाला तुमच्या सेवानिवृत्तीचे नियोजन चांगल्या प्रकारे करता येते. एफडी खाते उघडण्यापूर्वी गुंतवणूकदारांनी काही गोष्टी लक्षात ठेवणे आवश्यक आहे.

FD हे गुंतवणुकीचे एक चांगले साधन मानले जाते

मुदत ठेवी म्हणजे सुरक्षित आणि खात्रीशीर परताव्यामुळे FD हे गुंतवणुकीचे एक चांगले साधन मानले जाते, परंतु FD मध्ये विचार न करता गुंतवणूक करणे देखील चांगली कल्पना नाही. चला तर जाणून घेऊया FD घेण्यापूर्वी कोणत्या गोष्टी लक्षात ठेवल्या पाहिजेत.

1. FD किती वेळीची घ्यायची?

एफडी मिळवण्यापूर्वी आपण कार्यकाल निश्चित करणे आवश्यक आहे, कारण जर तुम्ही मुदतपूर्तीपूर्वी तुमची एफडी मोडली तर तुम्हाला त्यासाठी काही वेळा दंड भरावा लागेल. यासह तुम्हाला ठेवीवर मिळणारा नफा देखील कमी होतो. त्यामुळे आधी तुम्ही ते पैसे किती काळ सोडू शकता ते ठरवा.

2. FD मुदत कालावधी

तुम्ही तुमच्या गरजेनुसार FD करू शकता. जर तुमच्याकडे आता गरजेपेक्षा जास्त पैसे असतील आणि तुम्हाला असे वाटत असेल की तुम्हाला 5 किंवा 10 वर्षांनंतर या पैशांची गरज असेल, तर तुम्ही त्याच वेळी FD मिळवू शकता. अर्थात 10 वर्षांच्या एफडीवरील परतावा एका वर्षाच्या तुलनेत खूप जास्त असेल. त्यामुळे तुम्ही तुमच्या गरजेनुसार शक्य तितक्या लांब FD मिळवू शकता.

3. FD वर मिळवलेले व्याज

हा सर्वात मोठा घटक आहे, ज्यावर प्रत्येकाच्या नजरा जातात. आरबीआय वेळोवेळी व्याजदर बदलत राहते. त्यामुळे त्याचा एफडीच्या दरावरही परिणाम होतो. या व्यतिरिक्त सर्व बँकांचे व्याजदरदेखील भिन्न आहेत, म्हणून पैसे गुंतवण्यापूर्वी ते देखील तपासा.

4. कर्जाची सुविधा नाही

लोक सहसा कर्जासाठी अर्ज करतात, जेव्हा त्यांना पैशांची गरज असते. जर तुम्ही एफडी उघडली तर तुम्ही त्याविरुद्ध कर्ज मिळवण्यासाठी आपोआप पात्र व्हाल. या अंतर्गत तुम्ही गुंतवणुकीच्या भांडवलाच्या 75 टक्क्यांपर्यंत कर्ज घेऊ शकता आणि त्यावर एफडीच्या व्याजदरापेक्षा 2 टक्के अधिक दराने व्याज द्यावे लागते. FD च्या विरूद्ध कर्ज घेताना कर्जाचा कालावधी FD च्या मुदतीइतका असतो. जर तुम्ही 10 वर्षांसाठी FD खाते उघडले असेल आणि दुसऱ्या वर्षी तुम्ही कर्जासाठी अर्ज केला असेल तर तुम्हाला कर्जाची परतफेड करण्यासाठी आठ वर्षे लागतील.

संबंधित बातम्या

खूशखबर! धनत्रयोदशीला फक्त 1 रुपयात खरेदी करा सोने, जाणून घ्या मार्ग कोणता?

‘या’ NBFC मध्ये FD खाते उघडल्यास 6.5%पर्यंत व्याज मिळणार, क्रेडिट रेटिंगदेखील सर्वोत्तम

If you are thinking of getting FD in a bank, then keep these 4 things in mind, you will get a big benefit