LPG Price Cut : ग्राहकांसाठी आनंदवार्ता, एलपीजी सिलेंडर झाले स्वस्त, आता किती मोजावे लागतील दाम

Lok Sabha Election 2024 चे दोन टप्प्यातील मतदान पूर्ण झाले आहे. तिसऱ्या टप्प्यातील मतदान आता अगदी जवळ येऊन ठेपले आहे. त्यापूर्वीच 1 मे रोजी घरगुती गॅस सिलेंडर आणि व्यावसायिक गॅस सिलेंडरविषयी मोठी अपडेट समोर आली आहे. या बातमीमुळे सर्वसामान्य नागरिकांना मोठा दिलासा मिळाला आहे. 9 मार्च रोजी सरकारकडून घरगुती गॅस सिलेंडरच्या किंमती 200 रुपयांनी कमी करण्यात आल्या होत्या. तर व्यावसायिक गॅस सिलेंडरचे दाम एप्रिल महिन्यात कमी झाले होते. आता पण असाच काहीसा दिलासा ग्राहकांना देण्यात आला आहे.

सलग दुसऱ्या महिन्यात दिलासा

1. व्यावसायिक गॅस सिलेंडरच्या किंमतीत सलग दुसऱ्यांदा दिलासा मिळाला आहे. अर्थात हा मोठा दिलासा नाही. फुल नाही फुलाची पाकळी मिळाली आहे. देशातील चारही महानगरात व्यावसायिक गॅस सिलेंडरच्या किंमतीत घसरण दिसून आली आहे. त्यामुळे हॉटेलिंग थोडेबहुत स्वस्त होणे अपेक्षित आहे.
2. देशाची राजधानी दिल्लीसह मुंबई आणि चेन्नईमध्ये व्यावसायिक गॅस सिलेंडरच्या किंमतीत 19 रुपयांची घसरण दिसून आली. त्यामुळे तीन महानगरांमध्ये किंमती क्रमश: 1745.50 रुपये, 1698.50 रुपये आणि 1911 रुपये प्रति गॅस सिलेंडर झाल्या. तर कोलकत्तामध्ये व्यावसायिक गॅस सिलेंडरचा भाव 20 रुपये प्रति गॅस सिलेंडरने कमी झाला. त्यामुळे गॅस सिलेंडरच्या किंमती 1859 रुपये झाल्या.
हे सुद्धा वाचा



Gold Silver Rate Today 1 May 2024 : महाराष्ट्र दिनी सोने-चांदीची स्वस्ताईची मानवंदना; ग्राहकांना मोठा दिलासा



अनोख्या पैजेची चर्चा, बुलडाण्यात विद्यमान खासदार हरल्यास 10 लाखांची लागणार लॉटरी



WhatsApp केले बंद; सुरु करण्यासाठी फॉलो करा या स्टेप्स



सोन्याची ग्राहकांवर जबरदस्त मोहिणी; खरेदी केली सोन्यावाणी, महागाईची चिंता कोण करी

3. गेल्या दोन महिन्यांचा विचार करता चार महानगरांमधील व्यावसायिक गॅस सिलेंडरच्या किंमती जवळपास 50 रुपयांनी कमी झाल्या आहेत. दिल्लीत व्यावसायिक गॅसच्या किंमतीत 49.5 रुपयांची स्वस्ताई आली आहे. कोलकतामध्ये हा भाव 52 रुपये, मुंबईत दोन महिन्यात 50.5 रुपये तर चेन्नईत व्यावसायिक गॅसच्या किंमती 49.5 रुपयांनी कमी झाल्या आहेत.

घरगुती गॅस सिलेंडरच्या किंमतीत कोणताच बदल नाही

घरगुती गॅस सिलेंडरच्या किंमतीत सलग दुसऱ्या महिन्यात कोणताच बदल दिसला नाही. यापूर्वी 9 मार्च रोजी घरगुती गॅस सिलेंडरच्या किंमती 200 रुपयांनी कमी झाल्या होत्या. तेव्हापासून या किंमती स्थिर आहेत. दबाव असतानाही तेल कंपन्यांनी घरगुती गॅस सिलेंडरचा भाव वाढवलेला नाही. दिल्लीत घरगुती गॅस सिलेंडरची किंमत 803 रुपये, कोलकतामध्ये 829 रुपये, मुंबईत 802.50 रुपये तर चेन्नईत हा भाव 818.50 रुपये आहे.