Multibagger Stock : सहा महिन्यात तोडले कमाईचे रेकॉर्ड! आता बोनस शेअरची भेट
Multibagger Stock : गेल्या तीन महिन्यात या शेअरने बाजारात जोरदार मुसंडी मारली. गुंतवणूकदारांना या शेअरने 87 टक्के तर गेल्या एका महिन्यात 50 टक्क्यांचा परतावा दिला. सहा महिन्यांत तर या शेअरने जोरदार उसळी घेतली. आता कंपनी बोनस शेअर देणार असल्याने शेअरने रॉकेट भरारी घेतली आहे.
नवी दिल्ली | 3 सप्टेंबर 2023 : शेअर बाजारात (Share Market) गुंतवणूकदारांना केवळ 6 महिन्यांत 245 टक्क्यांहून अधिकचा परतावा मिळाला आहे. इन्फिनियम फार्मोकेमच्या ( Infinium Pharmachem)शेअरने मोठी भरारी घेतली आहे. हा शेअर 147 रुपयांहून 511 रुपयांवर पोहचला आहे. शुक्रवारी व्यापारी सत्रात इन्फिनियम फार्मोकेमच्या शेअरमध्ये जवळपास 4 टक्क्यांची घसरण दिसून आली. हा शेअर 511 रुपयांपर्यंत घसरला. गेल्या तीन महिन्यात गुंतवणूकदारांना या शेअरने 87 टक्के तर गेल्या एका महिन्यात 50 टक्क्यांचा परतावा दिला. आता बोनस शेअरच्या (Bonus Share) चर्चेना या स्टॉकने बाजारात जोरदार मुसंडी मारली आहे. गुंतवणूकदारांना यामुळे सुखद धक्का बसला आहे.
काय दिली माहिती
शेअर बाजाराला कंपनीने घडामोडींची माहिती दिली. त्यानुसार, सोमवारी 28 ऑगस्ट रोजी इन्फिनियम फार्मोकेम कंपनीची वार्षिक सर्वसाधारण बैठक झाली. या बैठकीत ऑथराईज्ड शेअर कॅपिटल आणि कंपनीच्या मसुद्यातील नियमात बदलांना मंजूरी देण्यात आली. शेअर बाजार नियमकाला याविषयीची माहिती देण्यात आली.
असा वाढला महसूल
Infinium Pharmachem कंपनीने शेअरधारकांना बोनस शेअर देण्यास मंजूरी दिली आहे. गेल्या आर्थिक वर्षात फार्माच्या व्यवसायात चांगलीच वाढ झाली. Infinium Pharmachem ने वार्षिक आधारावर 114 कोटी रुपयांचा महसूल जमा केला. तर व्यावसायिक नफा 58 टक्क्यांनी वाढला. तो आता 17 कोटींच्या पुढे गेला आहे.
ही आहेत कंपनीची उत्पादनं
औषधी कंपनी Infinium Pharmachem लिमिटेड आयोडीन डेरिव्हेटिव्स, एपीआय आणि आयोडिनेशन रिएक्शन बेस्ट बल्क ड्रग्स तयार करते. इन्फिनियम फार्मोकेम एक इंटिग्रेटेड फार्मा आणि हेल्थ केअर सेगमेंटची कंपनी आहे. इंन्फिनियम फार्माकेम कंपनी अनेक फार्मा केमिकल, बल्क ड्रग्स आणि फार्मा इंटरमीडिएट्स तयार करते. या कंपनीच्या शेअर 17 एप्रिल रोजी 147 रुपयांवर होता. तो आता 530 रुपयांच्या उच्चांकी स्तरावर आहे. गुंतवणूकदारांना या कंपनीने 260 टक्क्यांचा परतावा दिला.
या शेअरची पण चर्चा
मल्टिबॅगर स्टॉक जेनसॉल इंजिनिअरिंगने (Gensol Engineering Share) अशीच कमाल केली आहे. या कंपनीने गुंतवणूकदारांना अवघ्या दोन वर्षांतच मालामाल केले आहे. या कंपनीचे मार्केट कॅपिटलायझेशन जवळपास 2,346 कोटी रुपये आहे. गेल्या सहा महिन्यात या स्टॉकने गुंतवणूकदारांना जवळपास 110 टक्क्यांचा परतावा दिला आहे. डिसेंबर 2021 मध्ये या शेअरचा भाव 59 रुपयांच्या घरात होता. त्यानंतर या शेअरने रॉकेट भरारी घेतली. गेल्या दोन वर्षांत या शेअरने गगन भरारी घेतली. दोन वर्षांत या शेअरने 3100 टक्के परतावा दिला. त्यामुळे गुंतवणूकदार मालामाल झाले. आता या कंपनीने बोनस शेअर देण्याचा प्रस्ताव ठेवल्याने त्यांना लॉटरी लागणार आहे.
सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल.
