Petrol Diesel Price: सर्वसामन्यांसाठी मोठी बातमी, जुलै महिन्याच्या पहिल्याच दिवशी मिळाला मोठा दिलासा; पेट्रोल-डिझेलचे दर घसरले
आता आजपासून नवीन महिना सुरु झाला आहे. आता महिन्याच्या पहिल्या दिवशी पेट्रोल आणि डिझेलचा दरात काही बदल झाला आहे की नाही. किमती या स्वस्त झाल्या आहेत की वाढल्या आहेत ते जाणून घ्या...
सर्वसामान्यांसाठी दिलासादायक बातमी आहे. 1 जुलै रोजी नायरा एनर्जीने पेट्रोलच्या दरात प्रति लिटर 5 रुपयांनी आणि डिझेलच्या दरात 3 रुपयांनी कपात केली आहे. मध्य पूर्वेतील तणाव कमी झाल्यामुळे आणि कच्च्या तेलाचा पुरवठा पुन्हा सुरू झाल्यामुळे जागतिक बाजारात कच्च्या तेलाच्या किमती घसरल्या आहेत, त्यामुळे कंपनीने हा निर्णय घेतला आहे. नायरा एनर्जीचे देशभरात 7000 हून अधिक पेट्रोल पंप आहेत. ही दरकपात या सर्व पेट्रोल पंपांवर लागू करण्यात आली आहे. स्थानिक करांमुळे पेट्रोल आणि डिझेलच्या किमती वेगवेगळ्या ठिकाणी वेगवेगळ्या असू शकतात.
सरकारी तेल कंपन्यांबाबत बोलायचे झाल्यास, भारत पेट्रोलियम, इंडियन ऑइल आणि हिंदुस्तान पेट्रोलियम यांनी सध्या त्यांच्या पेट्रोल आणि डिझेलच्या दरात कोणताही बदल केलेला नाही. मध्य पूर्वेतील वाढत्या तणावामुळे कच्च्या तेलाच्या किमती प्रति बॅरल सुमारे 120 डॉलरपर्यंत पोहोचल्या. परिणामी, अनेक तेल कंपन्यांनी पेट्रोल आणि डिझेलच्या किमती वाढवल्या. नायरा एनर्जीने सर्वप्रथम पेट्रोल आणि डिझेलच्या किमती वाढवल्या; त्यांनी पेट्रोलच्या दरात प्रति लिटर 5 रुपयांनी आणि डिझेलच्या दरात प्रति लिटर 3 रुपयांनी वाढ केली.
अमेरिका आणि इराण यांच्यातील कराराच्या बातमीमुळे कच्च्या तेलाच्या किमती नरम पडत आहेत. आज, 1 जुलै रोजी, कच्च्या तेलाच्या किमती 0.33 टक्क्यांनी वाढून प्रति बॅरल 73 डॉलरवर पोहोचल्या. जागतिक स्तरावर कच्च्या तेलाच्या किमती कमी असल्याने तेल कंपन्यांवरील दबाव लक्षणीयरीत्या कमी झाला आहे. 25 मे रोजी पेट्रोल आणि डिझेलच्या दरात वाढ करण्यात आली. सरकारी तेल कंपन्यांनी पेट्रोलच्या दरात एकूण ₹7.50प्रति लिटर आणि डिझेलच्या दरात ₹7.60 प्रति लिटरने वाढ केली.
आज वेगवेगळ्या शहरांमध्ये पेट्रोल आणि डिझेलच्या दरात फरक आहे. सर्वात स्वस्त पेट्रोल चंदीगडमध्ये ₹101.54 प्रति लिटर आहे, तर सर्वात जास्त दर हैदराबादमध्ये ₹115.69 प्रति लिटर आहे. मुंबईमध्ये हे दर ₹111.21 आहेत. चंदीगडमध्ये डिझेलचा दर ₹89.47 प्रति लिटर आहे. दरम्यान, हैदराबादमध्ये डिझेल सर्वात महाग असून त्याचा दर ₹103.82 प्रति लिटर आहे. मुंबईमध्ये डिझेलचे दर 97.83 आहेत.
