आता Flipkart वरुनही जेवण ऑर्डर करता येणार, ग्राहकांना होणार मोठा फायदा, Zomato आणि Swiggy ला वाढली स्पर्धा.
ई- कॉमर्स कंपनी फ्लिपकार्ट आता फूड डिलिव्हरी व्यवसायात उतारण्याची तयारी करीत आहे. कंपनीने १५ ऑगस्टपासून बंगळुरु शहरापासून या फूड डिलिव्हरी सेवेची सुरुवात होऊ शकते असे म्हटले जात आहे. यासाठी कंपनीने शहरातील अनेक रेस्टॉरंटशी करार करण्यास सुरुवात केली आहे.
१५ ऑगस्टच्या आसपास Flipkart बंगुळुरु येथून तिची फूड डिलिव्हरी सेवा सुरु करण्याच्या तयारीत आहे. कंपनी रेस्टॉरंट्सकडून १० टक्के कमिशन घेण्याची योजना आखत आहे. सध्या प्लॅटफॉर्म्सच्या तुलनेत ही फी कमी असल्याचे म्हटले जात आहे. सुरुवात ONDC नेटवर्कद्वारे केली जाणार आहे. त्यानंतर ही सेवा अन्य दुसऱ्या मोठ्या शहरात सुरु होण्याची शक्यता आहे.
फ्लिपकार्टचे या क्षेत्रात अशा वेळी आगमन होत आहे ज्यावेळी या भारतीय फूड डिलीवरी क्षेत्रात आधीच Zomato आणि Swiggy चा दबदबा आहे. अलिकडेच Rapido ने देखील तिचा फूड डिलिव्हरी प्लॅटफॉर्म Ownlyद्वारे बाजारात एण्ट्री केली आहे.
रेस्टॉरेंट्सना कमी कमीशनची ऑफर
फ्लिपकार्ट रेस्टॉरेंट्सना आकर्षित करण्यासाठी मोठी खेळी खेळली आहे, कंपनीने त्यांच्याकडून १० टक्के कमीशन आकारण्याची योजना आखली आहे. सध्या Zomato आणि Swiggy सर्वसाधारणपणे १६ ते ३० टक्क्यांपर्यंत कमिशन घेतात. अशात आता फ्लिपकार्ट कमी कमीशन मॉडेल छोटे आणि मोठ्या दोन्ही रेस्टॉरंट्ससाठी फायदेशीर सिद्ध होऊ शकते.
फ्लिपकार्ट हा व्यवसाय पारंपारिक मॉडेलच्या ऐवजी ऑपन नेटवर्क फॉर डिजिटल कॉमर्स (ONDC)चा वापर करणार आहे. ONDC सरकारची योजना असून ज्याचा हेतून डिजिटल कॉमर्सला जास्त खुला आणि प्रतिस्पर्धी बनवणे आहे. यामुळे फ्लिपकार्टला सुरुवातीपासून संपूर्ण नेटवर्क तयार करण्याची गरज लागणार नाही आणि ती वेगाने तिची सेवा सुरु करु शकणार आहे.
आधी फ्लिपकार्ट फूड डिलिव्हरी सेवा केवळ बंगळुरु येथून सुरु करणार आहे. कंपनी आपल्या निवडक ग्राहकांसाठी या सेवेची चाचणी करणार आहे. ग्राहकांची प्रतिक्रीया आणि सेवेतील सुधारणेनंतर अन्य शहरात देखील ही सेवा फ्लिपकार्ट सुरु करणार आहे. ग्राहक फ्लिपकार्टची फूड डिलिव्हरी सेवेचा वापर मुख्य फ्लिपकार्ट ऐप सह एका स्वतंत्र फूड डिलिव्हरी ऐपद्वारे देखील करु शकणार आहे.
ग्राहकांन काय होणार फायदा?
जर फ्लिपकार्टने कमी कमीशन मॉडलला यशस्वीपणे लागू केले तर रेस्टॉरंटना खर्च कमी येऊ शकतो. त्याच्या फायदा ग्राहकांना चांगली ऑफर, कमी डिलिव्हरी चार्ज आणि जास्त सुटच्या रुपात होऊ शकतो. दुसरीकडे झोमॅटो, स्विगीलाही यामुळे बाजारात टिकण्यासाठी त्यांच्या कमीशन धोरण आणि बिझनस मॉडेलला बदलायला लागू शकते.
