Share Market: ‘या’ कंपनीच्या शेअर्समुळे गुंतवणुकदार मालामाल; वर्षभरात 400 टक्के रिटर्न्स
Goodluck India | जर एखाद्या गुंतवणुकदाराने महिनाभरापूर्वी या शेअर्समध्ये एक लाख रुपये गुंतवले असतील तर आता त्याची किंमत 1.81 लाख इतकी झाली आहे. सहा महिन्यांपूर्वी एक लाख रुपये गुंतवले असतील तर आता त्याची किंमत 2.57 लाख रुपये इतकी झाली आहे.
Multibagger stocks 2021: यंदाच्या वर्षात शेअर बाजारात अनेक कंपन्यांच्या शेअर्सनी गुंतवणुकदारांना मालामाल केले आहे. यावेळी सर्वाधिक कमाई करून देणाऱ्या शेअर्समध्ये अनेक मिडकॅप आणि स्मॉल कॅप कंपन्यांचा समावेश आहे. गुडलक इंडिया (Goodluck India) हा देखील अशाच समभागांपैकी एक आहे. या इंजीनिअरिंग कंपनीच्या शेअर्सनी गेल्या वर्षभरात गुंतवणुकदारांना 400 टक्के रिटर्न्स मिळवून दिले आहेत. या कंपनीच्या एका समभागाचा भाव 39.05 रुपयांवरून 194.90 रुपये इतका झाला आहे.
गेल्या सत्रात गुडलक इंडियाच्या शेअर्सची किंमत इतकी वाढली की, 10 टक्क्यांवर अप्पर सर्किट लागले. गेल्या पाच सत्रांमध्ये या समभागाची किंमत तब्बल 31 टक्क्यांनी वाढली आहे.
एका वर्षात शेअर्सची किंमत चारपट
Goodluck India च्या समभागाची किंमत गेल्या महिनाभरात 81 टक्क्यांनी वाढली आहे. तर गेल्या सहा महिन्यात 157 टक्क्यांनी हा शेअर वधारला आहे. याचा हिशोब करायचा झाल्यास वर्षभरात Goodluck India शेअर्सनी गुंतवणुकदारांना चारपट कमाई करून दिली आहे.
जर एखाद्या गुंतवणुकदाराने महिनाभरापूर्वी या शेअर्समध्ये एक लाख रुपये गुंतवले असतील तर आता त्याची किंमत 1.81 लाख इतकी झाली आहे. सहा महिन्यांपूर्वी एक लाख रुपये गुंतवले असतील तर आता त्याची किंमत 2.57 लाख रुपये इतकी झाली आहे.
संबंधित बातम्या:
शेअर बाजारात आज दोन कंपन्यांची नोंद, पहिल्याच दिवशी कमावला 42 टक्के नफा
