आयटी कंपनी Cognizant भारतातील 28 हजार जणांना नोकरी देणार, फ्रेशर्सना मोठी संधी

नवी दिल्ली: आघाडीची आयटी कंपनी कॉग्निझंट (Cognizant) भारतातील 28 हजार फ्रेशर्सना नोकरी देणार आहे. कंपनीचे सीईओ ब्रायन हम्फराईस यांनी ही घोषणा केली आहे. कॉग्निझंट कंपनीनं 2020 मध्ये भारतातील 17 हजार फ्रेशर्सना नोकरी दिली आहे. कॉग्निझंट कंपनीचे भारतात एकऊण 2 लाख 96 हजार 500 कर्मचारी आहेत.(Cognizant IT company will hire 28 thousand freshers in India this year)

28 हजार फ्रेशर्सना नोकरी देणार

कॉग्निझंट या कंपनीनं येत्या वर्षभरात देशातील 28 हजार फ्रेशर्सना नोकरी देणार आहे. फ्रेशर्सची निवड वेगवान होण्यासाठी आम्ही अतिरिक्त मनुष्यबळ वापरणार आहोत, असं ब्रायन हम्फराईस यांनी सांगितलं आहे.

कर्मचाऱ्यांना प्रशिक्षण देणार

कॉग्निझंट कंपनीच्यावतीनं कर्मचाऱ्यांना प्रशिक्षण देण्यासाठी विविध मार्ग अंवलंबले जाणार आहेत. अधिक लोकांना नोकरी देण्यासोबतच त्यांच्या प्रशिक्षणासाठी कार्यक्रम होती घेण्यात येणार आहे. त्याशिवाय कर्मचाऱ्यांच्या कामगिरीच्या आधारे त्यांना प्रमोशन आणि पगारामध्ये वाढ देण्यात येईल, असं कॉग्निझंटच्यावतीनं सांगण्यात आलं आहे.

विप्रो कंपनीही पूर्वीच्या तुलनेत जास्त नोकरभरती करणार

इकॉनॉमिक टाईम्सच्या अहवालानुसार, विप्रो कंपनीही पूर्वीच्या तुलनेत जास्त नोकरभरती करणार आहे. नोकरभरतीची संख्या कंपनीकडून सांगण्यात आलेली नाही. विश्लेषकांच्या म्हणण्यानुसार, टीसीएस, विप्रो, इन्फोसिस, एचसीएल आणि टेक महिंद्रा यंदा 1,10,000 हून अधिक भरती करणार आहेत, याच कंपन्यांनी गेल्या वर्षी 90000 पेक्षा जास्त भरती केली आहे.

डिजिटल प्लॅटफॉर्मवर काम हलविण्याची तयारी

कोरोना साथीच्या आजारामुळे संपूर्ण देशातील कामकाजाचा दिनक्रम बदलला आहे. गेल्या वर्षापासून बहुतांश कंपन्या लॉकडाऊनमुळे वर्क फ्रॉम होमवर अधिक लक्ष केंद्रित करत आहेत. कोरोना काळानुसार वाढती मागणी पाहता बर्‍याच कंपन्या आणि ग्राहक आपला व्यवसाय ऑनलाईन किंवा डिजिटल प्लॅटफॉर्मवर हलविण्याच्या तयारीत आहेत.

Bank Holidays: कोरोनाकाळात बँकेत जायचा विचार करताय, त्यापूर्वी 8 सुट्ट्यांची यादी वाचली का?https://t.co/c7SN2zJv4c#India | #Bank | #Bankholidays | #May

— TV9 Marathi (@TV9Marathi) May 9, 2021

संबंधित बातम्या

सेवा क्षेत्राची गती मंदावली, कर्मचारी भरती थांबली!

Job Vacancy | ‘या’ कंपनीच्या महसुलात मोठी वाढ, आगामी काळात 20 हजार जणांना नोकरी देणार

(Cognizant IT company will hire 28 thousand freshers in India this year)