LinkedIn वर अर्ज करणं सोडलं, तरी 19 लाखांच्या 4 नोकऱ्या मिळाल्या; तरुणाने सांगितली भन्नाट ट्रिक!

Job Searching Trick Viral Post:  आजकाल नोकरी मिळवण्यासाठी मोठा संघर्ष करावा लागत आहे. जिथे जागा असेल तिथे अर्ज करुनही कोणताही रिप्लाय येत नाही. अनेकजण लिंक्डइनवरील प्रत्येक नोकरीच्या जाहिरातीसाठी अर्ज करतात, तरीही त्यांना अनेकदा नोकरी मिळत नाही. एकीकडे नोकरी मिळवण्यासाठी असा संघर्ष करावा लागत असतानाच आता बंगळुरुमधील एका तरुणाने मोठा खुलासा केला आहे. कोणत्याही नोकरीच्या जाहिरातीसाठी अर्ज न करता केवळ एक-दोन नव्हे, तर चार नोकरीच्या संधी मिळाल्या, आणि त्या सर्वांचे पॅकेज वार्षिक १९ लाख रुपये होते. आपल्या रेडिट पोस्टमध्ये, या तरुणाने नोकरी शोधण्यासाठी संघर्ष करणाऱ्या इतरांसाठी काही टिप्स शेअर केल्या आहेत.

बंगळूरुच्या त्या तरुणाने सुचवले की, त्याने सर्वप्रथम लिंक्डइन आणि जॉब बोर्ड्सवरील नोकरीच्या जाहिरातींसाठी अर्ज करणे थांबवावे. प्रत्येक जाहिरातीसाठी शेकडो लोक अर्ज करतात आणि त्यापैकी बहुतेकांना कधीच प्रतिसाद मिळत नाही. त्याच्या रेडिट पोस्टमध्ये, त्याने नमूद केले आहे की दोन पद्धती अधिक चांगल्या प्रकारे काम करतात.

जॉब मिळवण्याच्या सिक्रेट ट्रिक्स! 

भरतीच्या जाहिराती लवकर मिळवा: ‘आम्ही भरती करत आहोत’ (we’re hiring) अशा जाहिराती शोधा ज्या 1दिवसापेक्षा जुन्या नाहीत आणि ज्यांना 100 पेक्षा कमी लाईक्स आहेत; येथे वेग महत्त्वाचा आहे. पहिल्या 100 अर्जदारांमध्ये असणे हीच तुमच्या यशाची खरी संधी आहे.

डीएम (DM) करू नका, फॉर्म भरू नका: जाहिरातीत तसे मागितले असले तरी ज्या व्यक्तीने जाहिरात पोस्ट केली आहे, तिचा ईमेल ॲड्रेस शोधा (तुम्ही ईमेल एक्सट्रॅक्शन टूल्स वापरू शकता) आणि त्यांना थेट ईमेल करा. ईमेल छोटा ठेवा, ५ ओळींपेक्षा जास्त नसावा.

सीड फंडिंगच्या बातम्यांवर लक्ष ठेवा: जेव्हा एखादी स्टार्टअप कंपनी सीड राऊंडमध्ये निधी मिळवते, तेव्हा ती भरती सुरू करते. या टप्प्यावर, संस्थापक स्वतःच भरती करतात, याचा अर्थ निर्णय लवकर घेतले जातात. कंपनीच्या कामाबद्दल आणि तुम्ही कशी मदत करू शकता याबद्दल जाणून घ्या.

दररोज 20 ईमेल पाठवण्याबद्दल सल्ला: संस्थापकांसहित तीन लोकांना निवडा. त्यांचे ईमेल शोधा आणि त्यांना ईमेल लिहा. दररोज २० ईमेल निदान लिहा. ते एआय (AI) कडून लिहून घेऊ नका. आजकाल छोटे, थेट आणि अव्यवस्थित ईमेल अधिक लक्ष वेधून घेतात. त्यातून तुम्ही प्रयत्न केले आहेत हे दिसून येते. तुमच्याकडे त्या भूमिकेसाठी आवश्यक असलेली कौशल्ये असलीच पाहिजेत. या पद्धतींमुळे तुम्ही इतरांच्या नजरेत येता, परंतु त्यामुळे थेट नोकरी मिळेलच असे नाही.