कोणी कपड्यांतून तर कोणी प्रायव्हेट पार्टमध्ये दडवलं… विमानतळावर कोट्यवधींच सोनं जप्त

मुंबई आंतरराष्ट्रीय विमानतळावर तस्करीच्या बऱ्याच घटना उघडकीस येत असतात. असच एक प्रकार नुकताच उघडकीस आला असून मुंबई कस्टम्स विभागाच्या अधिकाऱ्यांनी छत्रपती शिवाजी आंतरराष्ट्रीय विमानतळावर ₹ 13 कोटींहून अधिक किमतीचं सोन जप्त केलं आहे. अधिकाऱ्यांनी 20.18 किलो पेक्षा जास्त सोने आणि 4.98 किलो गांजा आणि ₹ 0.96 कोटी किमतीचे फॉरेक्स जप्त केले. याप्रकरणी कस्टम्स विभागाकडून ७ जणांना अटक करण्यात आली आहे. धक्कादायक गोष्ट म्हणजे तस्करी करणाऱ्यांनी पुठ्ठ्याचे बॉक्स तसेच कपड्यांमध्ये आणि प्रायव्हेट पार्टमध्ये लपवून सोनं आणल्याचं उघड झालं आहे.

मिळालेल्या माहितीनुसार, मुंबई कस्टम विभागाच्या अधिकाऱ्यांनी 15-27 जुलै, 2024 दरम्यान ही कारवाई करण्यात आली. विमानतळ आयुक्तालय, मुंबई कस्टम झोन-III च्या अधिकाऱ्यांनी 13.11 कोटी मूल्याचे 20.18 किलो सोने, 4.98 किलो गांजा आणि परदेशी चलन जप्त केले. जप्त करण्यात आलेल्या गांजा आणि परदेशी चलनाची किंमत १ कोटी रुपयांच्या घरात असल्याचे समजते. तस्करी करणाऱ्या प्रवाशांनी पुठ्ठ्याचे बॉक्स तसेच कपडे आणि गुदद्वारातून सोन्याची तस्करी केली.

यापूर्वी जूनच्या सुरुवातीला, मुंबई कस्टम्सने मुंबईच्या तळोजा परिसरातून सिगारेट, ई-सिगारेट आणि तंबाखू/गुटखा यासह ₹ 10 कोटींहून अधिक किमतीचा निषिद्ध पदार्थ जप्त केला होता, असे अधिकाऱ्यांनी बुधवारी सांगितले.