Mumbai BMC Polls: मुंबईत शिवसेना-भाजपच्या जागावाटपाचा फॉर्म्युला फिक्स; चौरंगी लढतीत कोण, किती जागांवर लढणार?

मुंबई महानगरपालिका निवडणुकीसाठी प्रमुख राजकीय पक्षांनी तयारी सुरू केली असून जागावाटपाचे सूत्र निश्चित झाले आहे. महायुतीमध्ये भारतीय जनता पार्टी 137 जागांवर निवडणूक लढवणार आहे, तर एकनाथ शिंदे यांच्या नेतृत्वाखालील शिवसेना 90 जागांवर आपले उमेदवार उभे करणार आहे. महायुतीचे इतर घटक पक्षही याच आकड्यांमध्ये समाविष्ट असतील. एकूण 227 जागांपैकी 20 जागांवर अद्याप अंतिम तोडगा निघालेला नाही. या निवडणुकीत चौरंगी लढत अपेक्षित आहे. ठाकरे गट शिवसेना, महाराष्ट्र नवनिर्माण सेना आणि शरद पवार यांच्या राष्ट्रवादी काँग्रेस पक्षाने एकत्र येऊन लढण्याचा निर्णय घेतला आहे. दुसरीकडे, काँग्रेस आणि वंचित बहुजन आघाडी यांचीही युती झाली आहे. अजित पवार यांच्या नेतृत्वाखालील राष्ट्रवादी काँग्रेस पक्ष मात्र स्वतंत्रपणे निवडणूक लढवणार आहे. महायुतीने 150 पेक्षा जास्त जागा जिंकून महापौरपदावर मराठी उमेदवार बसवण्याचा संकल्प केला आहे.