संतापजनक… अल्पवयीन मुलीसमोर रिक्षाचालकाचं हस्तमैथून, हिंजवडी पोलिसांनी ठोकल्या बेड्या
अल्पवयीन मुलीसमोर एका रिक्षाचालकाने हस्तमैथुन केल्याचा धक्कादायक आणि संतापजनक प्रकार पिंपरी चिंचवडमध्ये घडलाय. सचिन शेंडगे असं अटक करण्यात आलेल्या आरोपीचं नाव आहे.
पिंपरी चिंचवड : अल्पवयीन मुलीसमोर एका रिक्षाचालकाने (Rikshaw Driver) हस्तमैथून केल्याचा धक्कादायक आणि संतापजनक प्रकार पिंपरी चिंचवडमध्ये (Pimpri Chinchwad) घडलाय. सचिन शेंडगे असं अटक करण्यात आलेल्या आरोपीचं नाव आहे. शुक्रवारी दुपारी 3 वाजता 12 वर्षीय मुलगी क्लासवरुन घरी जात असताना रिक्षाचालक विरुद्ध दिशेनं आला. पत्ता विचारण्याचा बहाणा करुन आरोपीने मुलीसमोर हस्तमैथून केलं. या घटनेमुळं मुलगी घाबरली. तिने हा संपूर्ण प्रकार आपल्या पालकांना सांगितला. पालकांनी दिलेल्या तक्रारीनुसार हिंजवडी पोलिसांकडे (Hinjewadi Police) गुन्हा दाखल करण्यात आला. पोलिसांनी तात्काळ कारवाई करुन आरोपी रिक्षाचालकाला बेड्या ठोकल्या आहेत.
बावधनमध्ये रिक्षाचालकाकडून अल्पवयीन मुलीचा विनयभंग
साधारण आठवडाभरापूर्वीच पुण्यातील बावधन परिसरात अशीच एक धक्कादायक घटना समोर आली होती. बावधन परिसरात एका रिक्षाचालकाने शुक्रवारी एका 12 वर्षीय मुलीचा विनयभंग केल्याचा प्रकार घडला होता. पीडितेच्या वडिलांनी हिंजवडी पोलीस ठाण्यात प्रथम माहिती अहवाल (एफआयआर) दाखल केला. ही मुलगी एका खासगी अभ्यासाच्या शिकवणीहून परतत असताना रिक्षाचालकाने हा संतापजनक प्रकार केला. मुलगी स्टडी रूममधून बाहेर पडून दुपारी 3.10च्या सुमारास बावधन येथील एलएमडी चौकात आली, तेव्हा एक रिक्षाचालक पत्ता विचारण्याच्या बहाण्याने तिच्याजवळ आला आणि नंतर तिचा विनयभंग केला, अशी माहिती पोलिसांनी दिलेल्या निवेदनात दिली आहे. घरी गेल्यानंतर घडलेला प्रकार मुलीने आपल्या पालकांना सांगितला. त्यानंतर तिच्या वडिलांनी पोलिसांत जाऊन यासंबंधीची तक्रार दाखल केली. पोलिसांनी या तक्रारीच्या आधारे गुन्हा दाखल केला आहे.
2021 मध्येही पिंपरी चिंचवडमध्ये धक्कादायक प्रकार
यापूर्वी एप्रिल 2021 मध्येही पिंपरी चिंचवडच्या मोरेवाडी परिसरात रिक्षातून जाताना सहप्रवासी महिलेकडे पाहून एका तरुणानं हस्तमैथून केल्याचा प्रकार समोर आला होता. पीडित महिलेनं पिंपरी पोलिस ठाण्यात तक्रार नोंदवल्यानंतर पोलिसांनी तरुणाला अटक केली होती. पिंपरीतील मोरवाडी येथून रिक्षातून वायसीएम रुग्णालयात पीडित महिला आपल्या मुलाला उपचारासाठी घेऊन जात होती. त्यावेळी तिच्याकडे बघत संबंधित तरुण हस्तमैथुन करत होता. हा घृणास्पद प्रकार समजल्यानंतर महिलेनं थेट पिंपरी पोलीस ठाणे गाठत तक्रार दाखल केली होती.
इतर बातम्या :