Gondia Crime | गोंदियात आरपीएफ पोलिसांची मोठी कारवाई, चालत्या ट्रेनमधून तब्बल 5.540 किलो गांजा पकडला!

Image Credit source: tv9

गोंदिया : गोंदिया आरपीएफ पोलिसांनी (Police) रेल्वेमधून 5.540 किलो गांजा जप्त केला आहे. गोंदिया आरपीएफ पोलिसांनी सुरू केलेल्या ऑपरेशन नार्कोस अंतर्गत गाडी क्रमांक 22974 पुरी-गांधी एक्सप्रेसच्या (Express) कोच क्रमांक डी 2 मध्ये तपासणी केली असता एका बेवारस बॅगमध्ये तब्बल 5.540 किलो गांजा आढळून आला. यानंतर पोलिसांनी डी 2 मध्ये अधिक तपासणी (Check) करत प्रवाश्यांना बॅगबद्दल विचारपुस केली. मात्र, पोलिस चेकींग करत असल्याचे आरोपीला समजल्याने त्याने बॅग गाडीमध्ये ठेवतच पळ काढल्याचे सांगण्यात येत आहे.

पुरी-गांधी एक्सप्रेसच्या कोच क्रमांक डी 2 गांजा आढळला

गाडी क्रमांक 22974 पुरी-गांधी एक्सप्रेसच्या कोच क्रमांक डी 2 मध्ये गांजा आढळल्याने मोठी खळबळ उडाली. तपासादरम्यान 1 राखडी रंगाची बॅग बेवारस अवस्थेत आढळून आली. या बॅगची तपासणी करण्यात आली तेंव्हा यामध्ये गांजा आढळून आला. पोलिसांनी गाडीतील इतरही प्रवाशांच्या बॅग चेक केला. ही बॅग नेमकी कोणाची, गाडीत नेमकी कशी आणि कोणी आणली याबद्दल पोलिस आता पुढील तपास करत आहेत.

आरपीएफ पोलिसांनी मोठी कारवाई

पुरी-गांधी एक्सप्रेसमध्ये 5.540 किलो गांजा जप्त केला आहे. पोलिसांनी बॅग चेक केली असता बॅगमधून तीव्र वासासह गांज्यासारखे अमली पदार्थ असल्याचे आढळून आले. त्याचे वजन 5.540 किलो असून त्याची किंमत 55 हजार 540 रुपये आहे. आरपीएफ पोलिसांनी हा गांजा जप्त करत गोंदिया रेल्वे पोलिसांकडे सुपूर्द केला आहे. यानुसार अज्ञाताविरुद्ध कलम 8 (C), 20 (B) (ii) NDPS अंतर्गत गुन्हा क्रमांक 0061/2022 दाखल करण्यात आला.