Mumbai news : पती-पत्नी हॉटेलमध्ये जेवायला गेले, ऑर्डर येताच समोरील दृश्य पाहून धक्काच बसला !
एक जोडपे एका प्रसिद्ध रेस्टॉरंटमध्ये जेवायला गेले होते. त्यांनी आपल्या आवडत्या डिश मागवल्या आणि जेवायला सुरवात केली. मात्र जेवत असताना अचानक डिशमध्ये जे दिसलं ते पाहून त्यांना धक्काच बसला.
मुंबई / 16 ऑगस्ट 2023 : कधी तरी स्वयंपाकातून आराम म्हणून किंवा काही सेलिब्रेशननिमित्त प्रत्येक जण हॉटेलमध्ये जात असतो. पण ज्या हॉटेलवर आपण विश्वास ठेवतो ते खरोखरच आपल्या ग्राहकांची काळजी घेतात का संशोधनाचा विषय आहे. वांद्र्यातील एका प्रसिद्ध हॉटेलमध्ये एक धक्कादायक घटना उघडकीस आली आहे. एका जोडप्याने या हॉटेलमध्ये चिकन, मटण ऑर्डर केले होते. मात्र ऑर्डर आल्यानंतर समोरील दृश्य पाहून त्यांना धक्काच बसला. चिकणच्या थाळीत त्यांना चक्क उंदराचं पिल्लू आढळलं. यानंतर संतापलेल्या जोडप्याने वांद्रे पोलिसात तक्रार दाखल केली आहे.
@mumbaipolice11 papa pancho restaurant bandra west is serving rat in food @MumbaiPolice …please help..!! No duty manager available!! The restaurant continue to serve others- take some action !! @amchimumbai @AmchiMumbai123 pic.twitter.com/0nG64eDZlA
— Team Pratik Sehajpal🥳🥳🤩🤩 (@Hotspri03423040) August 13, 2023
वांद्र्यातील प्रसिद्ध रेस्टॉरंटध्ये घडली घटना
फिर्यादी अनुराग सिंग हे आपल्या पत्नीसह वांद्र्यातील पाली नाका येथील प्रसिद्ध रेस्टॉरंट पापा पान्चो रेस्टॉरंटमध्ये 13 ऑगस्ट रोजी जेवायला गेले होते. त्यांनी रोटी, चिकन आणि मटण थाळी ऑर्डर केली. जेवताना त्यांना एक मांसाचा तुकडा समोर आला, जो वेगळा दिसत होता. मात्र निरखून पाहिले असता ते उंदराचं छोटं पिल्लू होतं. यानंतर अनुराग सिंग यांनी वांद्रे पोलीस ठाणे गाठत तक्रार दाखल केली.
सिंग यांच्या फिर्यादीवरुन वांद्रे पोलिसांनी कलम 272 (विक्रीच्या उद्देशाने अन्न किंवा पेय पदार्थात भेसळ करणे), 336 (जीव धोक्यात आणणारे कृत्य) आणि 34 (सामान्य हेतू) अंतर्गत गुन्हा दाखल केला. वांद्रे पोलीस पुढील तपास करत आहेत. या घटनेमुळे खळबळ उडाली आहे. या घटनेवरुन हॉटेलमधील अन्न सुरक्षेचा मोठा प्रश्न निर्माण झाला आहे.
