AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Video : नालासोपाऱ्यात भररस्त्यात गर्दुल्यांची दादागिरी! रस्त्यात अडवून बेदम मारहाण, परिसरात तणाव

व्हायरल झालेल्या व्हिडीओमध्ये एक तरुण हातात रस्त्यावर पडलेली एका लाकडाची वस्तू घेऊन हल्ला करण्यासाठी पुढे सरसावतो. पण एक जण त्याला थांबवतो.

Video : नालासोपाऱ्यात भररस्त्यात गर्दुल्यांची दादागिरी! रस्त्यात अडवून बेदम मारहाण, परिसरात तणाव
नालासोपाऱ्यात राडाImage Credit source: TV9 Marathi
| Edited By: सिद्धेश सावंत | Updated on: Jun 04, 2022 | 10:35 AM
Share

नालासोपारा : नालासोपाऱ्यात (Nalasopara News) गर्दुल्याच्या टोळींची दादागिरी दिवसागणिक वाढत चालली आहे. रस्त्यावरून जाणाऱ्या एका तरुणाला अडवून, या गर्दुल्याच्या टोळीने भर रस्त्यात लाथा बुक्यांनी आणि हातात पडेल त्याने बेदम मारहाण (men beaten) केली. या घटनेचा व्हिडीओदेखील (Nalasopara Crime) समोर आला आहे. हा मारहाणीचा सर्व प्रकार मोबाईल कॅमेऱ्यात कैद झाला असून, ही मारहान हे टोळकं का करतंय, हे मात्र स्पष्ट झालं नाही. सध्या हा व्हिडिओ सोशल मीडियावर व्हायरल (Socia Media Viral) झाला आहे. त्यामुळे नालासोपाऱ्यात गर्दुल्यांची दहशत पसरली आहे. नालासोपारा पूर्व 90 फिट रोडवर विरार मोहक सिटी ते नालासोपारा रोडवर शुक्रवारी रात्री 8 च्या सुमारास ही घटना घडली. 4 ते 5 तरुण एका इसमाला लाथाबुक्याने बेदम मारहाण करताना दिसत आहेत. यावेळी रस्त्यावर बघ्यांची गर्दी आहे. पण गर्दुल्याच्या दहशतीने कोणीही तरुणाच्या मदतीला येताना दिसत नाहीये. सध्या तरी या मारहाण प्रकरणी कोणताही गुन्हा दाखल झालेला नाही. मात्र या व्हायरल व्हिडीओनंतर पोलीस नेमकी काय कारवाई करतात, हे पाहणं महत्त्वाचं असणार आहे.

व्हिडीओमध्ये काय?

व्हायरल झालेल्या व्हिडीओमध्ये एक तरुण हातात रस्त्यावर पडलेली एका लाकडाची वस्तू घेऊन हल्ला करण्यासाठी पुढे सरसावतो. पण एक जण त्याला थांबवतो. यावेळी मोठी बाचाबाची झाल्याचं दिसून आलंय. तर रस्त्यावरील अन्य जण राडा बघण्यासाठी गर्दी केल्याचंही व्हिडीओत दिसतंय. मात्र एकही जण राडा थांबवण्यासाठी हिंमत करुन पुढे आला नाही. यावरुनच नालासोपाऱ्यात गर्दुल्यांची किती दहशत आहे, याची कल्पना करता येऊ शकेल.

दरम्यान काही दिवसांपूर्वीच विरार रेल्वे स्थानकातही एका प्रवाशाला लुबाडण्यात आलं होतं. विरार रेल्वे स्थानकात एका प्रवाशाला मारहाण करत तिघांनी लुटलं होतं. सरकत्या जिन्यावरुन रात्रीच्या सुमारास कुणी नाही हे पाहून एका प्रवाशाला मारहाण करत त्याचा मोबाईल फोन आणि पैसे लुटण्याता आले होते. यात रेल्वे प्रवासी गंभीर जखमी देखील झाला होता.

विरारमधील प्रवाशाला लुटल्याची घटना ताजी असतानाच आता विरारच्या शेजारी असलेल्या नालासोपाऱ्यात भररस्त्यात लुटमारीची घटना घडली. या घटनेने परिसरात दहशत पसरली असून पोलिसांना धाक या भागात उरलाय की नाही, असा सवाल उपस्थित केला जातोय.

Follow Us
महाराष्ट्राच्या शिरपेचात मानाचा तुरा; लोणार सरोवराला जागतिक भूगर्भीय..
Lonar Lake : महाराष्ट्राच्या शिरपेचात मानाचा तुरा; लोणार सरोवराला जागतिक भूगर्भीय वारसा स्थळाचा दर्जा
सोनं एका दिवसात एवढ्या रुपयांनी स्वस्त, चांदीचे दरही घसरले....
Gold Silver Price Today : सोनं एका दिवसात एवढ्या रुपयांनी स्वस्त, चांदीचे दरही घसरले; जळगावच्या सराफ बाजारात मोठा दिलासा, पाहा आजचे भाव
शायना एनसी विधानभवनात दाखल; एकनाथ शिंदेंनी भेटीसाठी बोलावल्याची माहिती
Shaina NC : शायना एनसी विधानभवनात दाखल; उपमुख्यमंत्री एकनाथ शिंदेंनी भेटीसाठी बोलावल्याची माहिती, राजकीय चर्चांना उधाण
बाळासाहेबांचा फोटो अनावधानाने फाडला असेल तर...; शंभुराज देसाई नेमकं...
Shambhuraj Desai : बाळासाहेबांचा फोटो अनावधानाने फाडला असेल तर...; शंभुराज देसाई नेमकं काय म्हणाले?
शिवसेना सत्तासंघर्षात ध्रुव मेहतांचा मोठा युक्तिवाद; सुनील प्रभूंच्या
Shivsena Hearing Case : शिवसेना सत्तासंघर्षात ध्रुव मेहतांचा मोठा युक्तिवाद; सुनील प्रभूंच्या व्हिपच्या वैधतेवर उपस्थित केले प्रश्न
शिवसेना पक्ष आणि चिन्ह प्रकरणातील सुनावणीला सुरुवात
Shivsena Hearing Case : शिवसेना पक्ष आणि चिन्ह प्रकरणातील सुनावणीला सुरुवात
बाळासाहेबांच्या फोटोच्या मुद्द्यावरून ठाकरे गट आक्रमक; शायना एनसी.....
Shivsena UBT : बाळासाहेबांच्या फोटोच्या मुद्द्यावरून ठाकरे गट आक्रमक; शायना एनसींविरोधात मुंबई महापालिकेत जोरदार आंदोलन
हिंमत असेल तर फडणवीसांचे सरकारी GR फाडून दाखवा; वडेट्टीवारांचं शिंदे
Vijay Wadettiwar : हिंमत असेल तर फडणवीसांचे सरकारी GR फाडून दाखवा; विजय वडेट्टीवारांचं शिंदे सेनेला थेट आव्हान
बाळासाहेबांचा फोटो फाडल्याचे भानही त्यांना... सुषमा अंधारे संतापल्या
Sushma Andhare : बाळासाहेबांचा फोटो फाडल्याचे भानही त्यांना... शायना एनसी यांच्यावर सुषमा अंधारे संतापल्या
शायना एनसी यांच्या हातून बाळासाहेब ठाकरेंचा फोटोही फाटला.....
Shivsena : सोनिया गांधींच्या पुस्तकाची प्रत फाडताना शायना एनसी यांच्या हातून बाळासाहेब ठाकरेंचा फोटोही फाटला