सख्खा भाऊ झाला पक्का वैरी, डॉक्टर भावाला लहान भावानं आयुष्यातून संपवलं; नात्यात नेमकं काय घडलं?

सांगली : सांगलीच्या कुपवाड शहर हादरले आहे. सख्खा भाऊच पक्का वैरी झाल्याचं समोर आले आहे. सांगलीमध्ये घडलेल्या या घटनेने खळबळ उडाली असून उलट सुलट चर्चा सुरू झाली आहे. कौटुंबिक वादातून सख्ख्या भावाने आपल्या डॉक्टर असलेल्या भावाला आयुष्यातून कायमचे संपवून टाकले आहे. तर डॉक्टरांचा खून झाल्याने हळहळ व्यक्त केली जात आहे. घटनास्थळी पोलीस दाखल झाले असून आरोपीला पोलिसांनी ताब्यात घेतले आहे. अनिल बाबाजी शिंदे असं मृत्यू झालेल्या व्यक्तीचे नाव आहे. कुपवड पोलिसांनी याबाबत खुनाचा गुन्हा दाखल केला आहे. अनिल शिंदे यांचा सख्खा भाऊ संशयित आरोपी संपत बाबाजी शिंदे याला पोलिसांनी अटक केली आहे.

संपत शिंदे यांने सकाळी डॉक्टर भाऊ अनिल शिंदे याच्यावर धारधार शस्राने वर करून हत्या केली आहे. कौटुंबिक वादातून हत्या झाल्याची पोलिसांकडून प्राथमिक माहिती देण्यात आली आहे.

या हत्येच्या घटनेनंतर परिसरात खळबळ उडाली आहे. घटनास्थळी कुपवाड पोलीस निरीक्षक अविनाश पाटील पोलीस फौज फाट्यासह दाखल झाले आहेत. तर संशयित आरोपी संपत बाबाजी शिंदेला पोलिसांनी ताब्यात घेतले आहे.

या हत्येच्या घटनेने परिसरात हळहळ व्यक्त केली जात असतांना सख्खा भाऊ पक्का वैरी झाल्याची जिल्ह्यात चर्चा होऊ लागली आहे. दरम्यान पोलिसांनी डॉ. अनिल शिंदे यांना उपचारासाठी रुग्णालयात दाखल केले होते, मात्र त्यापूर्वीच त्यांचा मृत्यू झाल्याची माहिती पोलिसांनी दिली आहे.

यामध्ये कौटुंबिक कारण समोर आले असले तरी पोलिसांच्या तपासात कोणते कारण समोर येतं ही पाहणं देखील महत्वाचे आहे. कुपवाड पोलिसांनी गुन्हा दाखल करण्यापूर्वीच संशयिताला ताब्यात घेतल्याने तपास करण्याची प्रक्रिया सोपी होणार आहे.