रोजीरोटीसाठी नवरा मुंबईला गेला, इकडे बायकोचा दीरावर जडला जीव; घरच्यांनी जे केलं त्याने…

उत्तर प्रदेशातील संत कबीर नगर जिल्ह्यात एक अनोखी घटना घडली आहे. मुलगा जिवंत असतानाच घरच्यांनी सुनेचं दुसऱ्या मुलासोबत लग्न लावून दिलंय. म्हणजे दीर आणि भावजयीचं लग्न लावून दिलं गेलं. त्यामुळे गावात चर्चेला उधाण आलं आहे. महुली पोलीस स्टेशन परिसरातील हरिहरपूर नगर पंचायत अध्यक्षांच्या कॅम्प ऑफिसमध्ये हा विवाहसोहळा पार पडला. या लग्नाला दोघांचे कुटुंबीय आणि मित्रपरिवार उपस्थित होता. या लग्नाची खूप चर्चा सुरू आहे. त्याचप्रमाणे संत कबीर नगर यांच्या दीर-भावजयीच्या लग्नाचा व्हिडिओही सोशल मीडियावर व्हायरल होत आहे.

हरिहरपूर परिसरातील प्रभाग क्रमांक-3 मध्ये राहणाऱ्या एका तरुणाचा गोरखपूर जिल्ह्यातील सहजनवा येथील एका तरुणीशी सहा महिन्यांपूर्वी विवाह झाला होता. लग्नानंतर एक महिना हा तरुण आपल्या पत्नीसोबत राहिला. त्यानंतर उदरनिर्वाहासाठी तो मुंबईला आला. रोजीरोटीची एकदा व्यवस्थित मार्गी लागलं तर बायकोला मुंबईला आणायचं हा विचार करूनच हा तरुण मुंबईला आला होता. तो मुंबईला आला आणि तिथेच घात झाला. त्याच्या जाण्यानंतर त्याची पत्नी आणि त्याचा धाकटा भाऊ यांच्यात जवळीक वाढली. दोघेही एकमेकांच्या प्रेमात आकंठ बुडाले. त्यानंतर दोघांनी एकमेकांना डेट करण्यास सुरुवात केली.

कुटुंबाला संशय आला

दोघांचे प्रेम फार काळ लपून राहिले नाही. कुटुंबातील सदस्यांना दोघांचा संशय आला तेव्हा त्यांनी त्यांना मारहाण करण्यास सुरुवात केली. त्यानंतर हे जोडपे घरातून पळून गेले. त्यामुळे दोघांच्या कुटुंबियांना धक्का बसला. कुटुंबातील सदस्यांनी कसेतरी त्या दोघांना शोधून काढले आणि त्यांना परत घरी आणले. परंतु ते दोघे एकत्र राहतील यावर ठाम होते. हे प्रकरण हरिहरपूर नगरपंचायतीचे अध्यक्ष रवींद्र प्रताप शाही उर्फ पप्पु शाही यांच्याकडे पोहोचले. पंचायतीने दोघांनाही पटवून देण्यासाठी खूप प्रयत्न केले गेले, परंतु दोघेही लग्न करण्यावर ठाम राहिले.

अन् कुंकू लावले

दीर आणि भावजय एकमेकांपासून वेगळे राहण्यास तयार नव्हते. दोघांनीही लग्न करण्याचा हेका धरला. त्यामुळे दोन्ही कुटुंबाने एक एक पाऊल मागे येण्याचं ठरवलं आणि दोघांचंही लग्न लावून देण्याचा निर्णय घेतला. छावणीच्या कार्यालयातच दीराने त्याच्या वहिनीला कुंकू लावलं. या महिलेचा नवरा मात्र या लग्नाला उपस्थित नव्हता. ज्यावेळी त्याला या लग्नाबद्दल विचारलं तेव्हा मला या लग्नाशी काहीही देणंघेणं नाही असं त्याने सांगितलं. आता सोशल मीडियावर हा व्हिडीओ व्हायरल होत असून या लग्नाची गावात खमंग चर्चा सुरू आहे.