Jharkhand Crime : ये दोस्ती हम नही छोडेंगे… सोबतच गुणगुणायचे, आयुष्यही एकत्रच संपवलं; जगावेगळ्या मैत्रीचा असा झाला करूण अंत
दोन्ही तरुणांमध्ये खूप घट्ट मैत्री होती. रामजन्मा हा अपंग असल्याने ट्रायसायकलवर चालत असे. तर त्याचा मित्र सुद्दू त्याची सायकल ढकलत असे. हे दोघेही शोले चित्रपटातील 'ये दोस्ती हम नहीं छोडेंगे, तोडेंगे दम मगर...' हे गाणे गुणगुणत असायचे. आपण एकत्र जगू आणि सोबतच मरू, ही गोष्ट या दोघांनी अनेकवेळा गावातील लोकांसमोर बोलून दाखवली होती.
झारखंड : ये दोस्ती हम नही छोडेंगे म्हणत एका जगावेगळ्या मैत्रीचा करुण अंत झाल्याची दुर्दैवी घटना झारखंड(Jharkhand)मधील पालूममध्ये घडली आहे. एका मित्राची प्रेमात फसवणूक झाल्याने ‘शोले’ चित्रपटातील जय-वीरूसारखे मित्र असलेल्या दोन तरुणांनी एकत्र आत्महत्या(Suicide) केली आहे. सुद्दू भुयान आणि रामजन्मा अशी आत्महत्या करणाऱ्या तरुणांची नावे आहेत. रामजन्मा हा तरुण अपंग होता. दोघांनीही झाडाला गळफास घेत आत्महत्या केली आहे. याप्रकरणी नोदिहा बाजार पोलीस ठाण्यात मृत्यूची नोंद करण्यात आली आहे. घटनेची माहिती मिळताच पोलिसांनी घटनास्थळी दाखल होत दोन्ही मृतदेह ताब्यात घेऊन शवविच्छेदनासाठी पाठवले. (Two friends commit suicide over love affair in Jharkhand)
मित्राला प्रेमात धोका मिळाल्याने दोघांनीही जीवनयात्रा संपवली
सुद्दू भुयान या तरुणाचे एका मुलीसोबत प्रेमसंबंध होते. दोघांमध्ये कोणत्या तरी कारणावरुन वाद झाले. यानंतर त्या मुलीने सुद्दुसोबत प्रेमसंबंध तोडले. यामुळे सुद्दू मानसिक तणावात होता. सुद्दूने ही गोष्ट आपला जीवलग मित्र रामजन्मा यास सांगितली. तसेच आपल्या आत जगण्याची इच्छा नसून आपण आत्महत्या करणार असेही सुद्दूने सांगितले. हे ऐकल्यानंतर रामजन्मानेही मित्राच्या या निर्णयात साथ देऊन सोबत मरण्याचा निर्णय घेतला. त्यानंतर दोन्ही तरुणांनी झाडाला गळफास घेत आत्महत्या केली. याआधीही सुद्दूने दोनदा आत्महत्येचा प्रयत्न केला होता, मात्र तो अयशस्वी ठरला होता, एसएचओ रंजीत कुमार यांनी सांगितले. छतरपूरचे इन्स्पेक्टर वीर सिंग मुंडा यांनी सांगितले की, पोलीस या प्रकरणाचा तपास करत आहेत.
नेहमी गुणगुणायचे शोलेचे गाणे
दोन्ही तरुणांमध्ये खूप घट्ट मैत्री होती. रामजन्मा हा अपंग असल्याने ट्रायसायकलवर चालत असे. तर त्याचा मित्र सुद्दू त्याची सायकल ढकलत असे. हे दोघेही शोले चित्रपटातील ‘ये दोस्ती हम नहीं छोडेंगे, तोडेंगे दम मगर…’ हे गाणे गुणगुणत असायचे. आपण एकत्र जगू आणि सोबतच मरू, ही गोष्ट या दोघांनी अनेकवेळा गावातील लोकांसमोर बोलून दाखवली होती. अखेर त्यांनी त्याचे म्हणणे खरे ठरवले, अशी माहिती स्थानिक लोकांनी दिली. या घटनेनंतर परिसरात शोककळा पसरली आहे. (Two friends commit suicide over love affair in Jharkhand)
इतर बातम्या
Delhi Crime : आजारी आईसाठी मदत मागायला गेलेल्या अल्पवयीन मुलीवर शेजाऱ्याकडून बलात्कार
