रात्री गाढ झोपला होता पती, अचानक झोपेतून जाग आली, समोरचे दृश्य पाहिले अन् त्यांनंतर थेट…

रायबरेली : उत्तर प्रदेशात एक धक्कादायक घटना उघडकीस आली आहे. पत्नीचे गावातील दुसऱ्या पुरुषाशी अनैतिक संबंध होते. पतीने पत्नीला प्रियकरासोबत आपत्तीजनक स्थितीत पाहिले अन् पतीला संताप अनावर झाला. मग पत्नीने प्रियकराच्या मदतीने त्याला संपवल्याची घटना रायबरेलीत उघडकीस आली आहे. पोलिसांनी दोन्ही आरोपींना अटक केली आहे. याप्रकरणी पोलीस अधिक तपास करत आहेत. राजेश असे मयत पतीचे नाव आहे, तर रेश्मा आणि नान्हू महताब अशी आरोपींची नावे आहेत. रायबरेलीतील बछरावा पोलीस ठाण्याअंतर्गत थूलेहंडी गावात 30 मार्च रोजी ही धक्कादायक घटना घडली. या हत्येचा उलगडा करण्यात पोलिसांना यश आले आहे.

पत्नीला प्रियकरासोबत आपत्तीजनक स्थितीत पाहिले, मग…

महिलेचे गावातील एका व्यक्तीसोबत अनैतिक प्रेमसंबंध सुरु होते. महिलेने प्रियकराच्या मदतीने पतीला रात्री भरपूर दारु पाजली. दारु प्यायल्यानंतर पती नशेत झोपी गेला. त्यानंतर पत्नी प्रियकर आपत्तीजनक स्थितीत होते. पतीला रात्री अचानक जाग आली अन् समोर पत्नीला प्रियकरासोबत नको ते करताना पाहिले. यानंतर पती संतापला आणि त्यांना विरोध करु लागला. यामुळे पत्नीने प्रियकराच्या मदतीने त्याला संपवले.

शवविच्छेदन अहवालामुळे हत्याकांडाचा उलगडा

बछरावा पोलिसांना राजेशचा संशयास्पद मृत्यू झाल्याची माहिती मिळाली. पोलिसांनी घटनास्थळी दाखल होत मृतदेह ताब्यात घेत शवविच्छेदनासाठी रुग्णालयात पाठवला. शवविच्छेदन अहवालात राजेशची हत्या झाल्याचे निष्पन्न झाले. पोलिसांनी हत्येचा गुन्हा नोंद करत प्रकरणाचा तपास सुरु केला.

पोलिसांनी नातेवाईकांची चौकशी सुरु केली असता पोलिसांना मयताच्या पत्नीच्या अनैतिक संबंधाची माहिती मिळाली. यानंतर पोलिसांनी पत्नीला ताब्यात घेत कसून चौकशी केली असता तिने गुन्ह्याची कबुली दिली. पोलिसांनी दोन्ही आरोपींना अटक करत त्यांची तुरुंगात रवानगी केली.