रोज रात्री फोन करायची… त्या रात्री कचऱ्याचा ट्रक आला, तिचाच मृतदेह पाहून… असं काय घडलं त्या रात्री?
एक धक्कादायक प्रकरण उघडकीस आले आहे. एका महिलेचा मृतदेह कचऱ्याच्या ट्रकमध्ये सापडला आहे. आता नेमकं काय झालं जाणून घ्या..
बेंगलुरूच्या चन्नमनाकेरे स्केटिंग ग्राऊंडजवळ कचऱ्याच्या ट्रकमध्ये सापडलेल्या महिलेच्या मृतदेहाच्या प्रकरणात मोठा खुलासा झाला आहे. पोलिसांनी या हत्येचा तपास 20 तासांत पूर्ण करून आरोपीला अटक केली आहे. मृत महिला आशा (वय 40) होती आणि तिची हत्या तिच्या लिव्ह-इन पार्टनर शम्सुद्दीन (वय 33) याने केल्याचे पोलिसांनी सांगितले.
पोलिसांच्या मते, शम्सुद्दीनने आशाला गळा दाबून मारले आणि पुरावा नष्ट करण्यासाठी तिचा मृतदेह बोऱ्यात भरून 20 किलोमीटर दूर कचऱ्याच्या ट्रकमध्ये फेकला. मृतदेह ट्रकच्या मागील भागात सापडला, ज्यामध्ये पाय गळ्याला बांधलेले होते. सुरुवातीच्या अहवालात असे सूचित झाले होते की मृत महिला 25 ते 30 वर्षे वयाची असावी आणि तिच्यावर लैंगिक अत्याचार झाले असावेत, परंतु नंतर तिची ओळख आशा अशी झाली आणि ती 40 वर्षांची असल्याचे स्पष्ट झाले.
वाचा: ‘माझ्यासोबत एक रात्र घालव, तुला 40,000 देईन…’, सासऱ्यानेच दिली अशी ऑफर, सुनेने थेट…
पोलिसांना 29 जून रोजी पहाटे 1:45 वाजता या हत्येची माहिती मिळाली आणि 2:30 वाजेपर्यंत त्यांनी गुन्ह्याचा एफआयआर नोंदवला. त्यानंतर तपास सुरू झाला आणि सीसीटीव्ही फुटेजच्या आधारे संशयिताला शोधण्यात आले. शम्सुद्दीन हा मूळचा आसामचा आहे आणि तो तिथे विवाहित असूनही आशासोबत लिव्ह-इन रिलेशनशिपमध्ये राहत होता. आशा ही विधवा होती आणि तिला दोन मुले होती.
पोलिसांनी सांगितले की, शनिवारी रात्री उशिरा किंवा रविवारी पहाटे शम्सुद्दीनने आशाचा मृतदेह बोऱ्यात भरला आणि आपल्या बाइकवरून 20 किलोमीटर अंतरावर नेऊन चन्नमनाकेरे येथील बीबीएमपी कचऱ्याच्या ट्रकमध्ये फेकला. स्थानिकांनी रविवारी सकाळी मृतदेह पाहिल्यानंतर पोलिसांना कळवले, ज्यामुळे तपासाला गती मिळाली. शम्सुद्दीन आणि आशा यांच्यातील भांडणामुळे ही हत्या झाल्याचे पोलिसांचे म्हणणे आहे. शम्सुद्दीनला अटक करण्यात आली असून, त्याच्यावर हत्येचा गुन्हा दाखल झाला आहे. बेंगलुरू पोलिसांनी या प्रकरणाचा त्वरित तपास करून आरोपीला पकडण्यात यश मिळवले आहे.
