AICTE उद्या इटर्नशिप दिवस साजरा करणार, Internship Day ची संकल्पना नेमकी काय?
अखिल भारतीय तंत्रशिक्षण परिषद (AICTE) द्वारे उद्या इंटर्नशिप दिवस 2021 ची घोषणा केली जाईल. या निमित्ताने 6.1 लाख इंटर्नशिपच्या संधी AICTE द्वारे सुरू केल्या जाणार आहेत.
नवी दिल्ली: अखिल भारतीय तंत्रशिक्षण परिषद (AICTE) द्वारे उद्या इंटर्नशिप दिवस 2021 ची घोषणा केली जाईल. या निमित्ताने 6.1 लाख इंटर्नशिपच्या संधी AICTE द्वारे सुरू केल्या जाणार आहेत. पंतप्रधान नरेंद्र मोदी यांच्या 2025 पर्यंत एक कोटी इंटर्नशिप संधी देण्याच्या मोहिमेचा भाग म्हणून ही योजना सुरु करण्यात येणार आहे.
पंतप्रधान नरेंद्र मोदी यांनी तरुणांना चांगले भविष्य देण्यासाठी 2025 पर्यंत एक कोटी इंटर्नशिप संधी उपलब्ध करून देण्याचे लक्ष्य ठेवले आहे. पंतप्रधानांच्या या मोहिमेचा एक भाग असल्याने, एआयसीटीईने 25 ऑगस्ट रोजी इंटर्नशिप दिवस 2021 साजरा करण्याची घोषणा केली आहे. उद्या दुपारी 2:00 ते सायंकाळी 4:30 पर्यंत AICTE च्या NEAT सेलच्या यूट्यूब प्लॅटफॉर्मवर कार्यक्रम सुरू केला जाईल. या संदर्भात अखिल भारतीय तंत्रशिक्षण परिषदेच्या (AICTE) वतीने ट्विट करून माहिती देण्यात आली आहे.
विद्यार्थी आणि कंपन्या दोघांनाही लाभ
देशभरातील विविध राज्ये आणि शहरांमधील विद्यारऱ्यांना एआयसीटीईच्या इंटर्नशिप पोर्टलवर इंटर्नशिपच्या संधी उपलब्ध होणार आहेत. विद्यार्थी उपलब्ध असलेल्या इंटर्नशिपच्या संधी जाणून घेण्यासाठी तसेच त्यांच्यासाठी अर्ज करण्यासाठी राज्यांनुसार वेगवेगळ्या शहरांच्या दिलेल्या यादीमध्ये त्यांच्या शहराच्या लिंकवर क्लिक करू शकतात.
#AICTEdge #AICTEInternshipDay2021#Students All are invited for “Launch of 6.1 lakh internship opportunities” – #AICTE Internship day.
LIVE on 25th August, 2021 from 2pm to 4:30pm
?https://t.co/QUZIZWscR6#Internships #AICTEInternshipDay #InternshipDay@PIBHRD @EduMinOfIndia pic.twitter.com/7rMZXsPSMG— AICTE (@AICTE_INDIA) August 24, 2021
नोंदणी कुठे करायची?
विद्यार्थ्यांना प्रथम इंटर्नशिप पोर्टल internship.aicte-india.org वर नोंदणी करावी लागेल, त्यासाठी त्यांना त्यांचा ईमेल आयडी आणि मोबाईल नंबर तसेच त्यांच्या कॉलेज किंवा विद्यापीठाने जारी केलेला नावनोंदणी क्रमांक भरावा लागेल. त्याचप्रमाणे, सरकारी आणि खाजगी कंपन्या किंवा संस्था किंवा संस्था देखील पोर्टलवर नोंदणी करून त्यांच्या इंटर्नशिपच्या संधी पोर्टलवर पोस्ट करू शकतील. अधिक माहितीसाठी, तुम्ही अधिकृत वेबसाइट- internship.aicte-india.org किंवा aicte-india.org ला भेट देऊ शकतात.
कॉर्पोरेट क्षेत्रात इंटर्नशिपच्या संधी
अखिल भारतीय तंत्रशिक्षण परिषदेचे इंटर्नशिप पोर्टल शहरनिहाय पदांसह विविध श्रेणींमध्ये इंटर्नशिपच्या डेटाबेसमध्ये जोडले गेले आहे. यामध्ये NHAI, NCDC, CDAC IEEE, सामाजिक न्याय आणि अधिकारिता, कॉर्पोरेट इ. कॉर्पोरेट श्रेणीतील विविध इंटर्नशिप संधींसाठी आता अर्ज केले जाऊ शकतात.
इतर बातम्या:
Narayan Rane news Live : तुम्ही साहेबांचा रस्त्यात खून करणार आहात, प्रसाद लाड यांचा गंभीर आरोप
शिवसेना-भाजप मुद्द्यावरुन गुद्द्यावर, भाजप नगरसेवकाला मारहाण, तोंडाला काळंही फासलं!
AICTE will Launched Internship Opportunities on August 25 Internship Day 2021