CBSE Result 2021 Date: सीबीएसई बारावीच्या विशेष परीक्षेच्या रिझल्टची तारीख जाहीर, निकाल कुठे पाहणार?

केंद्रीय माध्यमिक शिक्षण मंडळ म्हणजेच सीबीएसई 30 सप्टेंबर रोजी  12 वीच्या विशेष परीक्षेचा निकाल उद्या म्हणजेच 30 सप्टेंबरला दुपारी 12 वाजता जाहीर करणार आहे.

CBSE Result 2021 Date: सीबीएसई बारावीच्या विशेष परीक्षेच्या रिझल्टची तारीख जाहीर, निकाल कुठे पाहणार?
CBSE


नवी दिल्ली: केंद्रीय माध्यमिक शिक्षण मंडळ म्हणजेच सीबीएसई 30 सप्टेंबर रोजी  12 वीच्या विशेष परीक्षेचा निकाल उद्या म्हणजेच 30 सप्टेंबरला दुपारी 12 वाजता जाहीर करणार आहे. विशेष मूल्यांकन सूत्रानुसार जाहीर करण्यात आलेल्या निकालावर समाधानी नसलेल्या, खासगी आणि श्रेणी सुधारणा करण्यासाठी बोर्डाने घेतलेल्या ऑफलाइन विशेष परीक्षेचा निकाल ऑनलाईन जाहीर होईल. सीबीएसईच्या अधिकृत वेबसाईट cbseresults.nic.in. Cbse.gov.in वर विद्यार्थ्यांना निकाल पाहता येईल.

30 सप्टेंबरपर्यंत निकाल जाहीर करण्याची डेडलाईन

12 वीच्या कंपार्टमेंट परीक्षेचा निकाल 30 सप्टेंबरला जाहीर केला जाणार आहे. सीबीएसई बोर्डाने सुप्रीम कोर्टात बारावीच्या कंपार्टमेंट आणि विशेष परीक्षेचा निकाल 30 सप्टेंबरपर्यंत जाहीर करणार असल्याचं सांगितलं होतं.

CBSE 12 वी निकाल पाहण्याचे पर्याय

CBSE 12 वी निकाल पाहण्यासाठी अनेक आहेत. यामध्ये डिजीलॉकर, SMS, ई मेल, उमंग मोबाईल अॅप, आयव्हीआरएस याद्वारे निकाल पाहू शकता.

Digi locker

डिजीलॉकर एक ऑनलाईन क्लाऊड सॉफ्टवेअर आहे. यामध्ये आपण निकाल चेक करुन मार्कशीटही डाऊनलोड करु शकता. त्यासाठी तुम्हाला डिजीलॉकर वेबसाईटवर जाऊन ‘View result’ वर क्लिक करा. तिथे तुमचा रोल नंबर टाका, क्लास निवडा आणि अॅडमिट कार्ड टाका. त्यानंतर सबमिट बटणावर क्लिक करा. विद्यार्थ्यांना निकाल डाऊनलोड करुन प्रिंटही काढता येऊ शकेल.

SMS आणि IVRS

विद्यार्थी SMS नेही आपला निकाल पाहू शकतात. मोबाईलवरुन spacespace हा तपशील भरुन 7738299899 या नंबरवर SMS करा. निकाल जाहीर झाल्यानंतर यावर निकाल मिळू शकेल. याशिवाय IVRS द्वारेही निकाल ऐकायला मिळू शकतो. त्यासाठी 011-24300699 नंबरवर कॉल करा.

जेईई ॲडव्हान्सड परीक्षेचं प्रवेशपत्र जाहीर

संयुक्त प्रवेश परीक्षा (JEE) प्रगत 2021 साठी प्रवेशपत्र जारी करण्यात आलं आहे. जेईई प्रगत परीक्षेचे प्रवेशपत्र अधिकृत वेबसाइट jeeadv.ac.in वर अपलोड करण्यात आलं आहे. ज्या उमेदवारांनी परीक्षेसाठी अर्ज केले आहेत ते फक्त या संकेतस्थळावरून त्यांचे प्रवेशपत्र डाऊनलोड करू शकतील. परीक्षेचे हे प्रवेशपत्र (IIT JEE Admit Card 2021) परीक्षेच्या दिवशी 3 ऑक्टोबर रोजी सकाळी 9 वाजेपर्यंत डाऊनलोड करता येईल. ही परीक्षा भारतीय तंत्रज्ञान संस्थांमध्ये (IITs) अभियांत्रिकी आणि आर्किटेक्चर आणि नियोजन कार्यक्रमांमध्ये प्रवेश घेण्यासाठी घेतली जाईल. आम्ही तुम्हाला सांगू की फक्त तेच विद्यार्थी IIT JEE परीक्षेत भाग घेतात ज्यांची रँक JEE Main मध्ये 2.5 लाखांच्या आत येते.

अडीच लाख विद्यार्थी सहभागी होतील

जेईई मेन 2021 परीक्षा उत्तीर्ण करणारे 2.5 लाख विद्यार्थी जेईई अ‌ॅडव्हान्सड 2021 परीक्षेसाठी पात्र असतील. देशातील आयआयटी संस्थातील प्रवेशासाठी ही परीक्षा आयोजित केली जाणार आहे. ही परीक्षा 3 ऑक्टोबर 2021 रोजी होणार आहे. परीक्षेपासून निकालापर्यंतचे वेळापत्रक जाहीर करण्यात आले आहे.

इतर बातम्या:

KBC 13 | ‘कौन बनेगा करोडपती 13’मध्ये पुन्हा घडली चुक, ‘Darbar Move’ संबंधित प्रश्न चुकल्याचा प्रेक्षकाचा दावा…

शेतकऱ्यांना तातडीनं हेक्टरी 25 हजारांची मदत द्या, ड्रोनद्वारे पंचनामे करा, भाजपच्या चंद्रशेखर बावनकुळेंची मागणी

 

CBSE Class 12 Private candidates Special Exam result will out tomorrow check result at cbseresult nic in

Read Full Article

Click on your DTH Provider to Add TV9 MARATHI