NCP Merger : विलीनीकरणच विलीन? दादांचे नेते काय बोलून गेले?

अजित पवारांच्या निधनानंतर दोन्ही राष्ट्रवादी काँग्रेस पक्षांच्या विलिनीकरणाच्या चर्चांवर प्रश्नचिन्ह निर्माण झाले आहे. दादा गटाच्या नेत्यांमध्येच या मुद्द्यावरून मतभेद दिसून येत आहेत. एकीकडे, अजित पवारांनी शरद पवार, जयंत पाटील आणि अमोल कोल्हे यांच्यासोबत विलिनीकरणाबाबत बैठका केल्याचा दावा काही नेते करत आहेत, तर दुसरीकडे, छगन भुजबळ आणि सुनील तटकरे यांनी अजित पवारांनी त्यांच्याशी विलिनीकरणाबद्दल कोणतीही चर्चा केली नसल्याचे म्हटले आहे.

आमदार अनिल पाटील यांनी तर अजित पवारांनी केलेल्या विलिनीकरणाच्या चर्चा त्यांच्यासोबतच विलीन झाल्याचे धक्कादायक विधान केले आहे. सुनील शेळके यांनी आता विलिनीकरणावर चर्चा करण्याचे प्रयोजन नसल्याचे म्हटले आहे. माणिकराव कोकाटे आणि हिरामण खोसकर यांच्या म्हणण्यानुसार, भविष्यात पक्षाचे सर्व निर्णय सुनेत्रा पवार घेतील आणि त्याच राष्ट्रीय अध्यक्ष असतील. या विधांमुळे अजित पवारांच्या निधनानंतर पक्षाच्या भविष्याबद्दल आणि विलिनीकरणाच्या संभाव्यतेबद्दल अनिश्चितता निर्माण झाली आहे.