JEE Advanced: जेईई ॲडव्हान्स्ड ॲडमिट कार्ड लवकरच! परीक्षेची नोंदणी प्रक्रिया संपली, 1.6 लाख विद्यार्थ्यांची नोंदणी
दोन्ही वर्षांत केवळ दीड लाख विद्यार्थी परीक्षेला बसले होते. सर्व 23 आयआयटींसह 16,232 जागा उपलब्ध आहेत, ज्या 2019 मध्ये 13,000 पेक्षा जास्त आहेत. या वाढीमध्ये महिलांसाठी 1,583 अतिरिक्त जागांचा समावेश आहे.
जेईई ॲडव्हान्स्ड परीक्षेची (JEE Advanced Exam) नोंदणी प्रक्रिया संपली आहे. जेईई मेन्स परीक्षा उत्तीर्ण झालेल्या 2.6 लाख उमेदवारांपैकी एकूण 1.6 लाख विद्यार्थ्यांनी नोंदणी केली आहे. इंजिनीअरिंग कॉलेजांतील (Engineering College) प्रवेशासाठीच्या परीक्षेची नोंदणी प्रक्रिया (Registration) पूर्ण झाली आहे. जेईई ॲडव्हान्स्ड 28 ऑगस्ट रोजी भारतातील 226 शहरांमधील 600 केंद्रांवर होणार आहे. 23 ऑगस्टपासून ॲडमिट कार्ड जारी करण्यात येणार आहेत. गेल्या वर्षी जेईई (मेन) उत्तीर्ण झालेल्या 2.6 लाख उमेदवारांपैकी 1.5 लाख उमेदवारांनी जेईई (ॲडव्हान्स्ड) साठी नोंदणी केली होती. तर 2020 मध्ये जेईई (मेन) उत्तीर्ण झालेल्या अडीच लाख उमेदवारांपैकी 1.6 लाख उमेदवारांनी जेईई (ॲडव्हान्स्ड) साठी नोंदणी केली होती. दोन्ही वर्षांत केवळ दीड लाख विद्यार्थी परीक्षेला बसले होते. सर्व 23 आयआयटींसह 16,232 जागा उपलब्ध आहेत, ज्या 2019 मध्ये 13,000 पेक्षा जास्त आहेत. या वाढीमध्ये महिलांसाठी 1,583 अतिरिक्त जागांचा समावेश आहे.
जेईई ॲडव्हान्स्ड परीक्षेची तारीख
जेईई ॲडव्हान्स्डसाठी प्रथम नोंदणीची तारीख प्रथम 11 ऑगस्ट 2022 आहे. जेईई मेन्सचा निकाल जाहीर झाल्यानंतर अडीच लाख विद्यार्थी जेईई ॲडव्हान्स्डसाठी पात्र ठरतील. जेईई ॲडव्हान्स्ड परीक्षा 28 ऑगस्ट रोजी होणार आहे, त्यामुळे जेईई ॲडव्हान्स्ड ॲडमिट कार्ड परीक्षेच्या एक आठवडा आधी जाहीर होण्याची शक्यता आहे. आयआयटी मुंबईतर्फे रविवारी, उद्या 14 ऑगस्टला आयआयटी जेईई (ॲडव्हान्स्ड एक्झाम 2022) घेण्यात येणार आहे. ही परीक्षा दोन शिफ्टमध्ये होणार आहे. पहिल्या शिफ्टमध्ये पेपर 1 ची परीक्षा सकाळी 9 ते दुपारी 12 या वेळेत घेतली जाणार आहे. दुसऱ्या शिफ्टमध्ये पेपर 2 दुपारी 2.30 ते 5.30 या वेळेत होणार आहे. जेईई मेन 2022 च्या अंतिम गुणवत्ता यादीत जे विद्यार्थी पहिल्या 2,50,000 रँकमध्ये परीक्षा देतील ते जेईई ॲडव्हान्स्ड परीक्षा 2022 साठी पात्र असतील. मात्र, दोन किंवा त्यापेक्षा अधिक विद्यार्थ्यांचा रँक आणि स्कोअर सारखाच असेल तर ही संख्या 2.50 लाख इतकी थोडी जास्त असू शकते.