दिसायला इंग्रजी, पण ‘या’ शब्दांचं मूळ आहे संस्कृत भाषेत, पाहा खास शब्द
आज अनेक इंग्रजी शब्द जागतिक पातळीवर प्रसिद्ध आहेत, पण त्यांचं खऱ्या अर्थाने मूळ भारतीय संस्कृतीत आणि संस्कृत भाषेत दडलेलं आहे.म्हणूनच, आपल्या समृद्ध परंपरेचा अभिमान बाळगणं अत्यंत महत्त्वाचं आहे. जर हे तुम्हाला माहिती नसेल, तर एकदा हा लेख नक्की वाचा – कारण तुमचं ज्ञान आणि अभिमान, दोन्ही वाढणार आहेत!
आजच्या ग्लोबल युगात इंग्रजी भाषेचं महत्त्व वाढलं आहे. शाळा, कॉलेज, नोकरी किंवा परदेश प्रवास यांसह सर्व ठिकाणी इंग्रजी बोलणं हे गरजेचं झालं आहे. पण तुम्हाला माहिती आहे का की, इंग्रजीतले बरेच शब्द हे थेट भारतातील प्राचीन संस्कृत भाषेतूनच घेतले गेले आहेत? होय, इंग्रज भारतात आले आणि त्यांनी आपली भाषा इथे रूजवली, पण त्याच भाषेत त्यांनी संस्कृतीचाही थोडा भाग स्वीकारला. त्यामुळे आजही असे अनेक शब्द आहेत जे इंग्रजीत वापरले जात असले तरी त्याचं मूळ संस्कृतमध्ये आहे.
हे आहेत खास भारतीय शब्द
‘योगा’ हा शब्द तुम्ही किती वेळा ऐकला असेल! पण ‘योग’ हा शुद्ध संस्कृत शब्द आहे. त्याचप्रमाणे ‘गुरू’, ‘कर्म’, ‘धर्म’, ‘मंत्र’, ‘अवतार’, ‘निर्वाण’, ‘सूत्र’, ‘चक्र’, ‘वेद’ हे शब्द देखील संस्कृतमधूनच इंग्रजीत गेले आहेत.
अजून काही आश्चर्यचकित करणारे शब्द
काही शब्द तर असे आहेत की जे आपण इंग्रजीचेच मानतो, पण त्यांचं मूळ भारतीय भाषांमध्ये आहे. जसं की –
- Jungle (जंगल)
- Bungalow (बंगला)
- Sari (साडी)
- Amrit (अमृत)
- Sandal (चंदन)
- Swastika (स्वस्तिक)
- Loot (लूट)
- Pundit (पंडित)
- Buddha (बुद्ध)
प्रत्येक भारतीयाने गर्व बाळगायला हवा
हे शब्द फक्त भाषेत नाही, तर आज जगभर वापरले जातात. योग, मंत्र, कर्म किंवा स्वस्तिक – यांचा अर्थ आणि प्रभाव जगभर पोहोचलेला आहे. म्हणजेच इंग्रजी भाषेने हे शब्द स्वीकारले आणि जागतिक स्तरावर भारतीय संस्कृतीचा ठसा उमटला. आज आपण जेव्हा इंग्रजी बोलतो, तेव्हा नकळत आपण संस्कृत शब्दच वापरत असतो. त्यामुळे आपल्या मातृभाषेचा अभिमान बाळगायला हरकत नाही. कारण इंग्रजीचं सौंदर्यही आपल्या संस्कृतीमुळेच अधिक खुलतं!
या माहितीवरून स्पष्ट होतं की आपल्या संस्कृतीचा आणि भाषेचा जागतिक पातळीवर किती मोठा प्रभाव आहे. इंग्रजीसारख्या आंतरराष्ट्रीय भाषेतही संस्कृतमधून आलेले अनेक शब्द प्रतिष्ठित ठरले आहेत. ही केवळ भाषिक देवाण-घेवाण नाही, तर भारताच्या सांस्कृतिक वारशाची एक ओळख आहे. त्यामुळे आपणही या शब्दांचा अर्थ समजून घेत त्यांचा अभिमान बाळगायला हवा. आपल्या भाषेतील ही शब्दसंपत्ती जपणं आणि पुढील पिढीपर्यंत पोहोचवणं ही आपली जबाबदारी आहे. ‘योग’, ‘कर्म’, ‘गुरू’ यांसारखे शब्द आता केवळ आपले नाहीत, तर जगाने स्वीकारलेली आपली ओळख आहेत आणि ज्यावर प्रत्येक भारतीयाने गर्व बाळगायला हवा.
