Jalna Lok Sabha Results 2019 : जालना लोकसभा निकाल 2019

Jalna Lok Sabha Results 2019 : यंदा जालना लोकसभा मतदारसंघावरुन मोठा गदारोळ पाहायला मिळाला. शिवसेनेचे मंत्री अर्जुन खोतकर हे जालन्यातून लढण्यास इच्छुक होते. मात्र, युती झाल्याने त्यांचा भ्रमनिरास झाला. अखेर मुख्यमंत्री आणि उद्धव ठाकरे यांच्या मध्यस्थीनंतर खोतकरांनी माघार घेतली आणि दानवेंची उमेदवारी भाजपकडून जाहीर झाली. काँग्रेसकडून विलास औताडे यांना संधी देण्यात आली.

जालना लोकसभा निकाल जालना  लोकसभा मतदारसंघात तिसऱ्या टप्प्यात 23 एप्रिलला मतदान झालं. इथे यंदा 64.50  टक्के मतदानाची नोंद झाली होती. या मतदारसंघात 2014 च्या तुलनेत 2019 मध्ये  मतदानाचा टक्का पावणे दोन  टक्क्यांनी घटला. त्यामुळे या मतदारसंघात मतदानापासून निकालापर्यंत धाकधूक पाहायला मिळाली. या मतदारसंघात भाजपाकडून  प्रदेशाध्यक्ष रावसाहेब दानवे, काँग्रेसकडून विलास औताडे  आणि वंचित बहुजन आघाडीकडून शरदचंद्र वानखेडे  यांच्यात तिरंगी लढत झाली.