Kiran Rao : लग्नाआधी शारीरिक संबंध ठेवणं नॉर्मल…आमिर खानची एक्स पत्नी किरण रावचं वक्तव्य, नव्या पिढीबद्दल काय म्हणाली?

आमिर खानची एक्स पत्नी आणि निर्माती किरण राव यांनी, आधीच्या पिढीबद्दल आणि आताच्या पिढीबद्दल भाष्य केलं आहे. ‘लस्ट स्टोरीज ३’ च्या प्रमोशनदरम्यान एका विशेष मुलाखतीत त्या म्हणाल्या की, तरुण पिढीमध्ये स्वातंत्र्याची भावना आहे. तसेच किरण राव यांनी आजच्या शारीरिक संबंधांच्या मुद्द्यावरही आपलं मत व्यक्त केलं आहे. किरण राव यांना विचारण्यात आलं की, ‘किरण, तुमच्या कथेतील पात्रं तरुण पिढीचं प्रतिनिधित्व करतात. तुमचं यावर काय मत आहे? जेव्हा तुम्ही याकडे निर्मात्याच्या दृष्टिकोनातून आणि एका सामान्य माणसाच्या दृष्टिकोनातून पाहता? त्यावेळी तुम्हाला काय वाटतं?

किरण राव यांचं वक्तव्य

आयएएनएसला दिलेल्या मुलाखतीत किरण राव म्हणाल्या की, त्या ‘frivolous’ या शब्दाऐवजी ‘मुक्त’ हा शब्द वापरण्यास प्राधान्य देतात. किरण यांनी पुढे सांगितलं की, पूर्वी लोकांकडून एका विशिष्ट प्रकारचे नातेसंबंध ठेवण्याची अपेक्षा केली जायची, पण आज तसं नाहीये. ‘मला स्वातंत्र्याची भावना जाणवते. माझ्या पिढीच्या तुलनेत आजच्या तरुण पिढीमध्ये स्वातंत्र्याची भावना आहे. म्हणजे, जग बदललं आहे आणि स्वतःला व्यक्त करण्याचे मार्ग खूप वेगळे आहेत, आणि आम्हाला हेच जाणून घ्यायचं होतं. कोणत्याही बंधनांपासून मुक्त असलेले दोन तरुण एकमेकांकडे आकर्षित होतात. पुढे काय होतं? आणि जेव्हा ते काही विशिष्ट निर्णय घेतात, तेव्हा कोणत्या अनपेक्षित गोष्टी घडतात.’ असं किरण म्हणाल्या.

किरण पुढे म्हणाल्या की, ‘मला वाटतं की, हे मजेशीर आहे. कारण माझ्या काळात, अशी अपेक्षा होती की, तुमचं कोणासोबतचं नातं एका विशिष्ट प्रकारचं असेल, एकतर शारीरिक संबंध, किंवा ठरवून केलेल्या लग्नानंतरचं भावनिक नातं. पण आता तसं नाही.’

नात्यांमधील बदलांबद्दल बोलताना, किरण राव म्हणाल्या की, ‘लोकांचे लग्नाआधीच शारीरिक संबंध असतात, हे आजकाल नॉर्मल झालंय. एकेमेकांसोबत भावनिक नातं असतं. आजचं जग असंच आहे. आम्ही हे जग डोळ्यासमोर ठेवून ही कथा तयार केली आणि मला वाटतं की, आम्हाला असं काहीतरी हवं होतं जे आजच्या तरुण पिढीमध्ये असलेला ताजेपणा आणि स्वातंत्र्य प्रतिबिंबित करेल.’