Gauri Spratt Net Worth : आमिर खानची होणारी तिसरी बायकोही पैशाच्या बाबतीत कुठेही कमी नाही, गडगंज संपत्तीची मालकीण
Gauri Spratt Net Worth : अभिनेता आमिर खान याच्या तिसऱ्या लग्नाच्या चर्चा सर्वत्र वाऱ्यासारख्या पसरल्या आहेत. वयाच्या 61 व्या वर्षी अभिनेता लवकरच विवावाहबंधनात अडकणार आहे. गर्लफ्रेंड गौरी हिच्यासोबत अभिनेता लग्न करतोय. पण त्या आधी आमिरच्या होणाऱ्या तिसऱ्या बायकोची संपत्ती समोर आली आहे.
Gauri Spratt Net Worth: बॉलिवूडचा ‘मिस्टर परफेक्शनिस्ट’ म्हणजेच अभिनेता आमिर खान गेल्या काही दिवसांपासून त्याच्या प्रोफेशनल आयुष्यामुळे नाही तर खासगी आयुष्यामुळे चर्चेत आला आहे. आमिर लवकरच नव्या आयुष्याची सुरुवात करणार आहे. सांगायचं झालं तर, गेल्या अनेक महिन्यांपासून आमिर गर्लफ्रेंड गौरी स्प्रैट हिला डेट करत आहे. 60 वाढदिवशी आमिर याने गौरी हिच्यासोबत असलेल्या नात्याची कबुली दिली. त्यानंतर दोघांना अनेक ठिकाणी एकत्र स्पॉट देखील करण्यात आलं. अनेक वर्ष एकमेकांना डेट केल्यानंतर आमिर आणि गौरी लग्न करणार आहे. 5 जुलै रोजी आमिर आणि गौरी त्यांच्या नात्याला पती – पत्नीचं नाव देणार आहेत. पण त्याआधी गौरी हिच्याबद्दल काही महत्त्वाच्या गोष्टी समोर आल्या आहेत.
कोण आहे गौरी स्प्रैट?
गौरी स्प्रैट हिच्या एकूण संपत्तीबद्दल जाणून घेण्यापूर्वी, तिच्याबद्दल थोडी अधिक माहिती घेऊया. गौरी 47 वर्षांची आहे. गौरी आणि आमिर यांच्यामध्ये जवळपास 14 वर्षांचं अंतर आहे… गौरी हिचा जन्म कर्नाटकची राजधानी असलेल्या बेंगळुरूमध्ये झाला. तिचे वडील रॉबर्ट स्प्राट हे तमिळ-ब्रिटीश वंशाचे आहेत, तर त्यांच्या आई रीटा स्प्राट या पंजाबी-आयरिश वंशाच्या आहेत.
पैशाच्या बाबतीत कुठेही कमी नाही आमिरची होणारी बायको?
आमिर खान याच्याबद्दल सांगायचं झालं, तर बॉलिवूडच्या सर्वात श्रीमंत अभिनेत्यांच्या यादीत आमिर खान अव्वल स्थानी आहे. आता गौरी हिच्या संपत्तीचा देखील अंदाजे आकडा समोर आला आहे. ‘मॅजिकब्रिक्स’च्या रिपोर्टनुसार, गौरीची एकूण संपत्ती 24 कोटी ते 40 कोटी रुपयांच्या दरम्यान आहे. लंडनमध्ये फॅशन आणि स्टाइलिंगचे शिक्षण घेतलेली गौरी ही एक उद्योजिका आणि फॅशन स्टायलिस्ट आहे. ती ‘बी:ब्लंट’ (B:Blunt) या कंपनीत संचालक आणि पार्टनर आहे. त्याचप्रमाणे, गौरी तिचा होणारा पती आमीर खान याच्या ‘आमीर खान प्रॉडक्शन्स’ (Aamir Khan Productions) या प्रॉडक्शन हाऊससोबतही काम करत असल्याचं समोर आलं आहे.
कसं होणार गौरी आणि आमिर यांचं लग्न?
खुद्द आमिर खान याने समोर येत लग्न करत असल्याचं सांगितलं आहे. 5 जुलै रोजी गौरीसोबत लग्न करणार आहे. आमिर याने सांगितल्यानुसार, अभिनेत्याच्या राहत्या घरीच साध्या पद्धतील लग्न पार पडणार आहे. लग्नात जवळचे मित्र आणि कुटुंबिय असणार आहेत. आमिरची मुलं देखील वडिलांच्या लग्नात उपस्थित राहणार आहे. गौरी हिचं देखील आधी एक लग्न झालेलं आहे. तिला सात वर्षांचा मुलगा देखील आहे, ज्याचं नाव क्वीन (Quinn) आहे.
