‘धुरंधर’च्या यशाने का खुश नाही आमिर खान? ‘मिस्टर परफेक्शनिस्ट’ला जाणवली याची कमतरता

धुरंधरबद्दल काय म्हणाला आमिर खान?

Image Credit source: Instagram

रणवीर सिंहचा ‘धुरंधर’ हा चित्रपट अजूनही बॉक्स ऑफिसवर टिकून आहे. ओटीटीवर स्ट्रीम होऊनही या चित्रपटाची कमाई जगभरात 1300 कोटींच्या पार गेली आहे. पण जर का हा चित्रपट 15000 थिएटर्समध्ये प्रदर्शित झाला असता तर याहून कित्येक पटींनी अधिक कमाई झाली असली, असं मत अभिनेता आमिर खानने नोंदवलं आहे. चीनला मात देण्यासाठी भारतात आणखी थिएटर्सची गरज असून भारतातील काही भागांमध्ये सिंगल स्क्रीनसुद्धा उपलब्ध नसल्याची खंत आमिरने यावेळी व्यक्त केली. एखादा चित्रपट फार न चालण्यामागे या गोष्टी जबाबदार असल्याचं त्याने म्हटलंय.

‘व्हरायटी इंडिया’ला दिलेल्या मुलाखतीत आमिरने सांगितलं की भारतात आणखी थिएटर्सची खूप गरज आहे. सध्यस्थितीला देशात फक्त 9000 स्क्रीन्स आहेत. तर चीनमध्ये याची संख्या लाखोंमध्ये आहे. “त्यांच्या तुलनेत आपल्या देशात 10 पटींनी कमी स्क्रीन्स आहेत. म्हणूनच जेव्हा एखादा मोठा चित्रपट जेव्हा चीनमध्ये प्रदर्शित केला जातो, तेव्हा तिथे जवळपास दोन अब्ज डॉलर्सची कमाई होते. असं फक्त तिथेच घडतं. दुसऱ्या कुठल्याच देशात नाही. फक्त चीनमध्येच चित्रपट अधिक कमाई करतात. तिथे प्रदर्शित झालेला चित्रपट अब्जावधी डॉलर्सची कमाई करतो. मी युएस डॉलर्सबद्दल बोलतोय. त्यामुळे जेव्हा आपण आपल्या स्क्रीन्सची संख्या वाढवू, तेव्हा तुम्हाला फरक दिसून येईल”, असं आमिर म्हणाला.

यावेळी आमिरने ‘धुरंधर’ या चित्रपटाचं उदाहरण दिलं. तो पुढे म्हणाला, “चला धुरंधरचं उदाहरण पाहुयात. या चित्रपटाने 1000 कोटी रुपयांपेक्षा जास्त कमाई केली आहे. तुम्हीच विचार करा, जर हा चित्रपट 5000 स्क्रीन्सऐवजी 15000 स्क्रीन्सवर प्रदर्शित झाला असला, तर काय झालं असतं? कमाईचा आकडा आणखी जास्त असता. मी हेच सांगायचा प्रयत्न करतोय की खरा बदल तेव्हाच घडून येईल, जेव्हा स्क्रीन्सची संख्या वाढेल. कारण आपल्या देशात असे बरेच जिल्हे आहेत, जिथे सिंगल स्क्रीनसुद्धा नाही.”

गेल्या दहा वर्षांत चीनमध्ये प्रदर्शित झालेल्या भारतीय चित्रपटांनी रेकॉर्डब्रेक कमाई केली आहे.