Akshara Singh MMS Leak: प्रायव्हेट व्हिडीओ लीक प्रकरणावर अक्षरा सिंहने सोडलं मौन; म्हणाली..
अभिनेत्री अक्षरा सिंह (Akshara Singh) सध्या तिच्या MMS व्हिडीओ लीक (MMS Leak) प्रकरणामुळे चर्चेत आली आहे. सोशल मीडियावर एक व्हिडिओ मोठ्या प्रमाणात व्हायरल होत आहे.
भोजपुरी अभिनेत्री अक्षरा सिंह (Akshara Singh) सध्या तिच्या MMS व्हिडीओ लीक (MMS Leak) प्रकरणामुळे चर्चेत आली आहे. सोशल मीडियावर एक व्हिडिओ मोठ्या प्रमाणात व्हायरल होत आहे. अक्षरा सिंह नावाने हा व्हिडिओ शेअर केला जात आहे. मात्र तो व्हिडीओ खरंच अक्षराचा आहे का, हे अद्याप स्पष्ट होऊ शकलं नाही. या व्हायरल व्हिडीओवर तिने नुकत्याच दिलेल्या एका मुलाखतीत प्रतिक्रिया दिली आहे. हे कोणी केलंय मला माहीत नाही, पण त्याने मला काही फरक पडत नाही, अशी स्पष्ट प्रतिक्रिया तिने दिली.
ई-टाइम्सला दिलेल्या मुलाखतीत अक्षरा म्हणाली, “हा कोणीतरी केलेला खूपच घाणेरडा स्टंट आहे. मला त्या गोष्टीची पर्वा नाही. कोणीही काहीही बोलू द्या. तो MMS व्हिडिओ मी अजून पाहिलेला नाही. ज्यांनी तो व्हिडीओ व्हायरल केला त्यांना मला हे विचारायचं आहे की, मी त्या व्हिडिओमध्ये दिसत आहे का? अशा कृतीने मी खचून जाणार नाही आणि मला काही फरक पडत नाही.”
यादरम्यान अक्षराचा आणखी एक व्हिडिओ युट्यूबवर व्हायरल होत आहे, ज्यामध्ये ती रडताना दिसत आहे. इतकंच नाही तर या व्हिडिओमध्ये ती भोजपुरी फिल्म इंडस्ट्रीवरही भडकली आहे. “मला खूप त्रास देत आहेत. ज्या लोकांना मी आवडते, ते काहीही झालं तरी माझे चाहते राहतली. मी कुठेही गेले, कुठेही काम केलं तरी ते मला पसंत करतील,” असं ती या व्हिडीओत म्हणताना दिसतेय.
व्हिडिओमध्ये अक्षरा पुढे म्हणते, “तुम्ही कोणालाही रोखू शकत नाही. तुम्ही तुमचं काम करत राहा. काम करून स्वतःचं नाव कमवा. तुम्ही लोकांना खोटं नाटक दाखवत आहात. खोटं बोलू नका, खरं बोला.” अक्षराचा हा व्हिडिओ दोन वर्षे जुना आहे. पण आताच्या MMS स्कँडलनंतर अक्षराची प्रतिक्रिया म्हणून तो पुन्हा व्हायरल होत आहे.
अक्षरा ही फक्त यूपी बिहारमध्येच नाही तर देशभरात प्रसिद्ध आहे. अभिनयासोबतच तिच्या गायनाचेही असंख्य चाहते आहेत. अक्षराची गाणी अनेकदा युट्यूबवर ट्रेंडिंग लिस्टमध्ये असतात.
