गंभीर आजाराच्या विळख्यात सापडताच नवरा, सासरच्यांनी हाकललं, सलमान खानने वाचवले अभिनेत्रीचे प्राण, आता जगतेय चाळीत

अभिनेत्रीला ओळखलं? तिचं नाव आहे पूजा डडवाला… अभिनेता सलमान खान स्टारर ‘वीरगती’ सिनेमातून पूजा हिने बॉलिवूडमध्ये पदार्पण केलं. पहिल्या सिनेमातून तिने चाहत्यांच्या मनावर राज्य केलं. पण पूजा हिच्या नशिबात काही वेगळंच लिहिलं होतं. पूजा हिचा पहिलाच सिनेमा फ्लॉप ठरला. पण पूजा चर्चेत आली. पण त्याचा देखील काहीही फायदा झाला नाही. तिला सिनेमात काम मिळणं बंद झालं. अशात पूजा हिने टीव्ही विश्वात काम करण्याचा निर्णय घेतला. टीव्ही विश्वात देखील पूजा हिला यश मिळालं नाही. नियतीने तिच्यासाठी काहीतरी वेगळेच लिहून ठेवलं होतं. पूजा हिनच्या आयुष्याने असं वळण घेतले की ती मृत्यूच्या अगदी जवळ पोहोचली होती. सलमानच्या मदतीने तिने मृत्यूवर मात केली आणि नव्याने आयुष्याची सुरुवात केली.

रिपोर्टनुसार, सिनेमा आणि टीव्ही विश्वात अपयश आल्यानंतर सर्वकाही सोडून अभिनेत्रीने लग्न केलं आणि गोव्यात नवऱ्यासोबत राहून लगली. गोव्यात अभिनेत्री नवऱ्यासोबत कॅसिनो चालवत होती. पण 2018 मध्ये पूजा हिच्या आयुष्यात मोठं संकट आहे… अभिनेत्रीला कळलं की, तिला एका गंभीर आजाराने ग्रासलं आहे… अभिनेत्रीला टीबी हा आजार झालेला… अशात तिचं वजन देखील कमी झालं.

पूजा हिने आठ वर्षांपूर्वी एका मुलाखतीत सांगितलं होतं की, टीबीमुळे माझ्याकडे एकही पैसा उरला नव्हता. नवरा, सासरचेच नाही तर, कुटुंबियांनी देखील अभिनेत्रीला सोडून दिलं. चहा – पाण्यासाठी देखील दुसऱ्यावर अवलंबून राहण्याची वेळ अभिनेत्रीवर आली. पैशांअभावी अभिनेत्रीला योग्य उपचार मिळू शकले नाहीत आणि परिणामी, पूजा हिची प्रकृती दिवसेंदिवस खालावत गेली.

पूजा हिची अवस्था तेव्हा समोर आली तिचा एका व्हिडीओ समोर आला.. ज्यामध्ये पूजा हिने स्वतःच्या परिस्थितीबद्दल सांगितलं होतं. तिची अवस्था पाहून सर्वजण थक्क झाले. सलमान खानच्या ‘बीइंग ह्युमन’ या एनजीओ पुढे येऊन पूजाच्या उपचाराचा संपूर्ण खर्च उचलला. पूजाने सांगितलं की, सलमानच्या एनजीओ तिच्या औषधांपासून ते जेवणापर्यंत, डायपर आणि इतर आवश्यक वस्तूंपर्यंत सर्व काही पुरवलं. आज ती जिवंत आहे, ते केवळ सलमान खानमुळेच.

गंभीर आजारावर मात केल्यानंतर देखील पूजा हिच्या अडचणी कमी झाल्या नाही. घरच्यांनी बाहेर काढल्यामुळे, ती परत घरी तरी कशी जाणार होती? आज पूजा मुंबईतील एका चाळीत राहते… पूजा म्हणालेली, मित्र राजेंद्र सिंग याच्या मदतीने अभिनेत्रीने टिफिन सेवा सुरु केला. लागणाऱ्या सर्व वस्तू राजेंद्र याने पुरवल्या. आज पूजा मुंबईतील एका चाळीत टिफिनचा व्यवसाय सुरु केला.