अनन्या पांडेसोबत ब्रेकअपनंतर आदित्य रॉय कपूर गोव्यातील ‘या’ मॉडेलच्या प्रेमात? कोण आहे ही ‘मिस्ट्री गर्ल’?
सध्या अभिनेता आदित्या रॉय कपूर त्याच्या मिस्ट्री गर्लमुळे चर्चेत आहे. त्याने शेअर केलेल्या फोटोंची सध्या सोशल मीडियावर चर्चा सुरु असून त्याच्यासोबच दिसणारी मिस्ट्री गर्ल कोण आहे त्याबद्दल सगळेच विचारत आहेत.
बॉलिवूड स्टार आदित्य रॉय कपूर त्याच्या कामामुळे तसेच त्याच्या वैयक्तिक आयुष्यामुळे नेहमीच चर्चेत असतो.त्याचे नाव जेव्हा अनन्या पांडेसोबत जोडल्यानंतर बरीच चर्चा झाली. मात्र आता अनन्यासोबत त्याचा ब्रेकअप झाला असल्याची माहिती समोर आली. पण अनन्या पांडेसोबत ब्रेकअप झाल्यानंतर आदित्य रॉय कपूर पुन्हा प्रेमात पडल्याच्या चर्चा आहेत. अभिनेत्याच्या नवीन पोस्टमध्ये मिस्ट्री गर्ल पाहिल्यानंतर सर्वांचे लक्ष त्याच्याकडे वेधले गेले आहे.
फोटोमध्ये पांढऱ्या रंगाची नेलपॉलिश लावलेली मुलगी
आदित्यने त्याच्या इंस्टाग्रामवर एक पोस्ट शेअर केली आहे. ज्यामध्ये पांढऱ्या रंगाची नेलपॉलिश लावलेल्या मुलीचा हात दिसत आहे.आदित्य रॉय कपूरने बुधवारी इंस्टाग्रामवर त्याचे नवीन फोटो शेअर केले. कॅप्शनद्वारे त्याने या चांगल्या दृश्याचे कौतुक केले. अभिनेत्याच्या पोस्टमध्ये घराच्या फोटोंव्यतिरिक्त, तो दोन महिलांसोबत फुटबॉल खेळतानाचा व्हिडिओ देखील दिसत आहे. त्याच वेळी, दुसऱ्या एका फोटोमध्ये, एक महिला हातात नाश्ताची प्लेट धरलेली दिसत आहे.
View this post on Instagram
आदित्यच्या पोस्टमध्ये दिसली ‘मिस्ट्री गर्ल’
अनेकांनी आदित्यच्या पोस्टचा अर्थ त्याच्या नवीन प्रेयसीसाठी “सॉफ्ट लाँच” असा घेतला आणि त्या मिस्ट्री गर्लची ओळख विचारली. एका युजरने लिहिले, “तो सॉफ्ट लाँच कोणाला म्हणत आहे?” दुसऱ्याने लिहिले, “कोणी हात पाहिला आहे का?” एका चाहत्याने लिहिले, “पांढरी नेलपॉलिश लावलेली मुलगी कोण आहे?” दुसऱ्याने विचारले, “मला जाणून घ्यायचे आहे की ती मिस्ट्री गर्ल कोण आहे?” त्याच वेळी, अनेक युजर्सचा असा दावा आहे की चित्रात ज्या मुलीचा हात दिसत आहे ती गोव्याच्या मॉडेल जॉर्जिना डिसिल्वाचा आहे.
एका युजरने लिहिले, “ती जॉर्जिना डिसिल्वा आहे.” दुसऱ्या लिहिले, “मित्रांनो, ज्या मुलीला त्यांनी सॉफ्ट-लाँच म्हटले ती जॉर्जिना डिसिल्वा आहे!” तथापि, काहींनी असाही अंदाज लावला आहे की सारा अली खान आहे, कारण आदित्य आणि सारा मेट्रो इन डिनो या चित्रपटाचे प्रमोशन करत आहेत.
आदित्य आणि ‘मिस्ट्री गर्ल’मधील नाते
एवढेच नाही तर, जॉर्जियाने तिच्या नवीनतम पोस्टमध्ये पांढरी नेलपॉलिश लावल्याचे लोकांच्या लक्षात आले. आदित्य आणि जॉर्जिया एकमेकांना फॉलो करतात आणि एकमेकांच्या इंस्टा पोस्ट लाईक करतात. इतके कनेक्शन सापडल्यानंतर, चाहत्यांना आता असे वाटू लागले आहे की आदित्य आणि जॉर्जियामध्ये काहीतरी कनेक्शन आहे. आदित्यसोबत दिसणारी ही मिस्ट्री गर्ल कोण आहे हे सर्वानाच जाणून घेण्याची उत्सुकता आहे.
View this post on Instagram
