Ajay Devgn Drishyam 3 : दृश्यम 3 ची 15 व्या दिवशीही तगडी कमाई, जगभरात 520 कोटींचा टप्पा पार, अजय देवगणच्या हाती आले इतके कोटी
अजय देवगणच्या दृश्यम 3 ने 15 दिवसांत 336 कोटींची कमाई केली. अजय देवगणच्या आजपर्यंतच्या कारकिर्दितील हा आजपर्यंत सर्वाधिक कमाई करणारा हा सिनेमा ठरला आहे. परंतु 3 सिनेमे एकाचवेळी रिलीज झाल्याने दृश्यम 3 आता किती कमाई करतो ते पाहणे महत्त्वाचे ठरणार आहे.
अजय देवगणच्या द़ृश्यम 3 या सिनेमाने 2 हफ्त्यांमध्येच 333 कोटींची कमाई केली. तर जगभरात 515 कोटींपेक्षा जास्त कमाई केली. परंतु आता रजनीकांतचा जेलर 2, नई नवेली, आणि रणबाली या नव्या चित्रपटांची एन्ट्री झाली आहे. त्यामुळे द़ृश्यम 3 समोर स्पर्धा वाढली आहे.
बॉक्स ऑफिसवरील आकडेवारीनुसार द़ृश्यम 3 ने 16 ऑक्टोबर रोजी म्हणजेच प्रदर्शनानंतर 15 व्या दिवशी भारतात अंदाजे 3.10 कोटी रूपयांची कमाई केली. तर पार्ट 2 ने 15 व्या दिवशी 4.25 कोटींची कमाई केली होती. त्यामुळे एका दिवसाच्या कमाईत घट झाल्याचं दिसून येत आहे.
या 15 दिवसांत चित्रपटाने भारतात फक्त अंदाजे 336.10 कोटी रूपयांची कमाई केली आहे. तर भारतातील ग्रॉस कमाई सुमारे 402.77 कोटी रूपये झाली आहे.
आता बॉक्स ऑफिसवर रजनीकांतचा 'जेलर 2' यामी गौतमचा 'नई नवेली' आणि विजय आणि रश्मिकाचा 'रणबाली' हे कोरे करकरीत सिनेमे रिलीज झाल्याने प्रेक्षकांनी द़ृश्यम 3 वर पाठ फिरवल्याचं दिसून येतं आहे.
या नव्या चित्रपटांच्या प्रदर्शनाचा परिणाम द़ृश्यम 3 च्या दैनंदिन कमाईवर झाला आहे. तरीही चित्रपटाने आतापर्यंत केलेली कमाई पाहता त्याची बॉक्स ऑफिसवरील कामगिरी लक्षवेधी ठरली आहे.
अभिषेक पाठक दिग्दर्शित द़ृश्यम 3 या सिनेमा 2 ऑक्टोबर रोजी सिनेमागृहात प्रदर्शित झाला. द़ृश्यम 3 हा 100 ते 110 कोटी रूपयांच्या बजेटमध्ये बनवण्यात आला होता. या चित्रपटाने आपला खर्च 2 आठवड्यात वसूल केला होता. यात महत्त्वाचे म्हणजे अजय देवगणच्या कारकिर्दीतील आजपर्यंत सर्वाधिक कमाई करणारा 'द़ृश्यम 3'हा सिनेमा ठरला आहे
