‘या’ सेलिब्रिटींनी अभिनयासाठी सरकारी नोकरीचा केला त्याग, आज आहेत गडगंज संपत्तीने मालक
झगमगत्या विश्वात पदार्पण करण्यापूर्वी 'हे' सेलिब्रिटी करत होते सरकारी नोकरी... अभिनय विश्वात करियर करण्यासाठी त्यांनी सरकारी नोकरी केला त्याग... पण आज 'या' सेलिब्रिटींना नाही कोणत्या ओळखीची गरज... सध्या सर्वत्र फक्त आणि फक्त सेलिब्रिटींची चर्चा...
बॉलिवूडमध्ये असे अनेक सेलिब्रिटी आहेत ज्यांनी अभिनय क्षेत्रात स्वतःची ओळख निर्माण करण्यासाठी चांगल्या पगाराची नोकरी सोडली. काही सेलिब्रिटींनी तर सरकारी नोकरी सोडली. नोकरी सोडल्यानंतर सेलिब्रिटींच्या आयुष्यात अनेक अडचणी आल्या, पण त्यांनी कधीच मागे वळून पाहिल नाही. ज्या सेलिब्रिटींनी नोकरी सोडल्यानंतर अभिनय विश्वात पदार्पण केलं, ते यशाच्या शिखरावर पोहोचले… आज अशाच अभिनेत्यांबद्दल जाणून घेऊ ज्यांनी सरकारी नोकरी सोडून स्वतःचा मोर्चा अभिनयाकडे वळवला…
अभिनेते बलराज साहनी यांनी देखील सरकारी नोकरी सोडून स्वतःचा मोर्चा अभिनय क्षेत्राकडे वळवला. अभिनय विश्वात पदार्पण करण्यापूर्वी बलराज साहनी सरकारी प्राध्यापक होते. आजही बॉलिवूडच्या प्रसिद्ध आणि लोकप्रिय अभिनेत्यांच्या यादीत त्यांचं नाव सामिल आहे.
अभिनेते अमरीश पुरी यांनी देखील सरकारी नोकरी सोडून बॉलिवूडमध्ये पदार्पण केलं. अभिनय विश्वात पदार्पण करण्यापूर्वी अमरीश पुरी एका विमा निगममध्ये सरकारी क्लर्क होते. आज अमरीश पुरी जगात नाहीत पण त्यांच्या अनेक आठवणी आजही चाहत्यांमध्ये जिवंत आहे. आजही चाहत्यांमध्ये अमरीश पुरी यांच्या चर्चा रंगलेल्या असतात. अमरिश पुरी यांचे अनेक सिनेमे आजही चाहते तितक्याच आवडीने आणि आनंदाने पाहतात.
अभिनेते राज कुमार यांनी देखील अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. बॉलिवूड विश्वात काम करण्यापूर्वी राज कुमार मुंबई पोलिसांत सब-इन्स्पेक्टर होते. आजही राज कुमार यांच्या चर्चा चाहत्यांमध्ये रंगत असतात.
अभिनेते शिवाजी साटम यांना देखील आज कोणत्या ओळखीची गरज नाही. सीआयडी मालिकेमुळे शिवाजी साटम यांच्या प्रसिद्धी आणि लोकप्रियतेत मोठी वाढ झाली. बॉलिवूड विश्वात काम करण्यापूर्वी शिवाजी साटम एक सरकारी बँकेत कर्मतारी होते. शिवाजी साटम यांनी अनेक मालिका आणि सिनेमामध्ये देखील काम केलं आहे.
दाक्षिणात्य सिनेविश्वातील सुपरस्टार रजनीकांत देखील एकेकाळी सरकारी नोकरी करत होते. बॉलिवूड विश्वात काम करण्यापूर्वी रजनीकांत बस कंडक्टर होते. आज रजनीकांत झगमगत्या विश्वातील सर्वात श्रीमंत आणि लोकप्रिय अभिनेते आहे. आजही रजनीकांत यांच्या आगामी सिनेमांच्या प्रतीक्षेत चाहते असतात.
