Amitabh Bachchan Rajinikanth | तब्बल 32 वर्षांनंतर बिग बी आणि रजनीकांत यांची जोडी धमाका करण्यास तयार, प्रेक्षकांमध्ये उत्साह

मुंबई : अमिताभ बच्चन आणि रजनीकांत (Rajinikanth) हे दोघेही सुपरस्टार आहेत. विशेष म्हणजे यांनी यापूर्वी अनेक चित्रपटांमध्ये धमाका केला आहे. मात्र, गेल्या काही वर्षांपासून यांची जोडी चित्रपटात काम करताना दिसली नाहीये. रजनीकांत आणि अमिताभ बच्चन यांची सोशल मीडियावर जबरदस्त अशी फॅन फाॅलोइंग (Fan following) ही बघायला मिळते. अमिताभ बच्चन (Amitabh Bachchan) हे सोशल मीडियावर प्रचंड सक्रिय दिसतात. नेहमीच आपल्या चाहत्यांसाठी कविता शेअर अमिताभ बच्चन हे करतात. इतकेच नाही तर आपल्या आयुष्यात काय सुरू आहे, याची देखील माहिती देताना बिग बी कायमच दिसतात. आता अमिताभ बच्चन आणि रजनीकांत यांच्या चाहत्यांसाठी एक अत्यंत आनंदाची बातमी आहे.

तब्बल 32 वर्षांनंतर अमिताभ बच्चन आणि रजनीकांत हे एका चित्रपटात धमाका करताना दिसणार आहेत. विशेष म्हणजे 32 वर्षांनंतर हे दोघे एका चित्रपटात काम करणार आहेत. अमिताभ बच्चन आणि रजनीकांत यांनी एक चित्रपट साईन केलाय. या चित्रपटाची शूटिंग 2023 च्या शेवट्या महिन्यात केली जाणार असल्याची देखील माहिती मिळत आहे.

अमिताभ बच्चन आणि रजनीकांत यांना सोबत चित्रपटात पाहण्यासाठी चाहते देखील आतुर आहेत. यापूर्वी अमिताभ बच्चन आणि रजनीकांत यांनी हम, अंधा कानून आणि गिरफ्तार अशा चित्रपटांमध्ये धमाकेदार भूमिका केल्या आहेत. अमिताभ बच्चन आणि रजनीकांत हे थलाइवर 170 मध्ये सोबत काम करणार आहेत. दोघांनीही चित्रपट साईन केला आहे. यामुळे आता चाहत्यांमध्ये उत्साहाचे वातावरण बघायला मिळत आहे.

या चित्रपटात अमिताभ बच्चन हे मुख्य भूमिकेत असणार असल्याचे देखील सांगितले जात आहे. अमिताभ बच्चन हे सेक्शन 84 चित्रपटाच्या शूटिंगमध्ये व्यस्त आहेत. रजनीकांत देखील त्यांच्या इतर चित्रपटाच्या शूटिंगमध्ये व्यस्त असल्याचे सांगितले जात आहे. सेक्शन 84 चित्रपटात अमिताभ बच्चन यांच्यासोबत प्रभास आणि दीपिका पादुकोण हे मुख्य भूमिकेत आहेत. या चित्रपटाकडून निर्मात्यांना मोठ्या अपेक्षा आहेत.

काही दिवसांपूर्वीच अमिताभ बच्चन यांचा एक व्हिडीओ सोशल मीडियावर तूफान व्हायरल होताना दिसला होता. या व्हिडीओमध्ये मुंबईमध्ये एका चाहत्याच्या गाडीवर फिरताना चक्क अमिताभ बच्चन हे दिसले होते. अमिताभ बच्चन यांचा हा व्हिडीओ चाहत्यांना प्रचंड आवडला. मात्र, या व्हिडीओमध्ये अमिताभ बच्चन यांनी हेल्मेट घातले नसल्याने मुंबई पोलिसांनी त्यांना दंड लावला होता. या दरम्यान अनुष्का शर्मा हिचा ही एक व्हिडीओ व्हायरल झाला होता.