बहिणीला खोलीत रात्रभर अशा अवस्थेत पाहिलं, करिश्माबद्दल करीना कपूरचा मोठा खुलासा

मुंबई | 6 मार्च 2024 : अभिनेत्री करिश्मा कपूर आणि अभिनेत्री करीना कपूर या दोन बहिणींना आज कोणत्याही ओळखीची गजर नाही. दोघींनी देखील बॉलिवूडमध्ये स्वतःचं भक्कम स्थान निर्माण केलं आहे. एक दिवस असा होता जेव्हा करीनाने मोठी बहीण आणि आई बबीता कपूर यांना रात्रभर एकटं रडताना पाहिलं आहे. करीना कायम तिच्या खासगी आयुष्यात घडलेल्या घटना चाहत्यांसोबत शेअर करत असते. एका मुलाखतीत करीना हिने बहीण करिश्मा हिच्याबद्दल मोठं सत्य सांगितलं होतं.

करीना आणि करिश्मा इंडस्ट्रीमधील सर्वात प्रेमळ बहिणींपैकी एक आहेत. दोघींमधील बॉन्ड सर्वांना माहिती आहे. दोघी बहिणी एकमेकींच्या चांगल्या वाईट काळात सोबत असतात. करिश्माच्या आयुष्यात जेव्हा वाईट काळ सुरु होता. तेव्हा करीनाने तिला जवळून पाहिलं आहे.

करिश्मा हिच्याबद्दल करीना म्हणाली, ‘मी करिश्माला तिने बॉलिवूडमध्ये पदार्पण केल्यापासून पाहात आहे. मी तिला बॉलिवूडमध्ये संघर्ष करताना पाहिलं आहे. मी करिश्माला रात्रभर आईसोबत एका खोलीत रडताना पाहिलं आहे. तिच्या मनात कायम एक भीती असायती, ती बॉलिवूडमध्ये यशस्वी होईल की नाही…’

‘मी लहान असल्यामुळे काही गोष्टी माझ्या समोर होत नव्हत्या. पण मी दोघींना वाईट परिस्थितींचा सामना करताना पाहिलं आहे.’ सांगायचं झालं तर, करिश्मा हिला बॉलिवूडमध्ये यश तर मिळालं, पण खासगी आयुष्यात अभिनेत्रने अनेक अडचणींचा सामना केला आहे.

करिश्मा कपूर हिचं लग्न उद्योजक संजय कपूर याच्यासोबत झालं पण दोघांचं लग्न फार काळ टिकलं नाही. अखेर दोघांनी विभक्त होण्याचा निर्णय घेतला. आज करिश्मा तिच्या दोन मुलांचा ‘सिंगल मदर’ म्हणून सांभाळ करत आहे. करिश्मा आज बॉलिवूडमध्ये सक्रिय नसली तरी, सोशल मीडियावर कायम सक्रिय असते.

करिश्मा लवकरच ‘मर्डर मुबारक’ (Murder Mubarak) सिनेमाच्या माध्यमातून चाहत्यांच्या भेटीस येणार आहे. चाहते देखील अभिनेत्रीच्या आगामी सिनेमाच्या प्रतीक्षेत आहेत. सध्या सर्वत्र फक्त आणि फक्त करिश्मा हिची चर्चा रंगली आहे.

करीना आणि करिश्मा यांनी अनेक ठिकाणी एकत्र स्पॉट करण्यात येतं. नुकताच करीनाच्या कुटुंबासोबत करिश्मा अंबानी कुटुंबियांच्या कार्यक्रमासाठी जामनगर याठिकाणी पोहोचली होती. सोशल मीडियावर दोन्ही बहिणींचे फोटो आणि व्हिडीओ देखील तुफान व्हायरल झाले.