Ranbir-Alia Wedding: लग्नाच्या चर्चांवर अखेर आलियाकडून शिक्कामोर्तब? पहा VIDEO
कलाविश्वात सध्या एकाच गोष्टीची जोरदार चर्चा आहे.. ते म्हणजे रणबीर कपूर आणि आलिया भट्ट यांचं लग्न (Ranbir-Alia Wedding). या दोघांनी अद्याप याविषयीची काहीच माहिती दिली नसली तरी कपूर आणि भट्ट कुटुंबीयांकडून लग्नाची जोरदार तयारी सुरू आहे.
कलाविश्वात सध्या एकाच गोष्टीची जोरदार चर्चा आहे.. ते म्हणजे रणबीर कपूर आणि आलिया भट्ट यांचं लग्न (Ranbir-Alia Wedding). या दोघांनी अद्याप याविषयीची काहीच माहिती दिली नसली तरी कपूर आणि भट्ट कुटुंबीयांकडून लग्नाची जोरदार तयारी सुरू आहे. आता खुद्द आलियानेही या चर्चांवर अप्रत्यक्षपणे शिक्कामोर्तब केला आहे. एका चाहत्याच्या व्हिडीओवरील तिच्या कमेंटने नेटकऱ्यांचं लक्ष वेधलं आहे. डिजिटल कंटेट क्रिएटर निक लोटिया (Nick Lotia) याने सोशल मीडियावर एक व्हिडीओ पोस्ट केला आहे. शाहिद कपूरच्या ‘कबीर सिंग’ (Kabir Singh) या चित्रपटातील एक दृश्य त्याने मजेशीररित्या रिक्रिएट केलं आहे. यामध्ये तो रणबीर-आलियाच्या लग्नानंतर त्यांच्या कारमागे धावताना दिसत आहे. याच व्हिडीओवर आलियाने कमेंट केली आहे.
सोशल मीडियावर ‘बी युनिक’ (Beyounick) या अकाऊंटचा मोठा चाहतावर्ग आहे. निकचं हे अकाऊंट असून त्यावर तो विविध प्रकारचे व्हिडीओ पोस्ट करत असतो. रणबीर-आलियाच्या लग्नाच्या चर्चांवर एका चाहत्याची काय प्रतिक्रिया असेल, यावरून त्याने नुकताच हा व्हिडीओ शूट केला. ‘आलिया वेड्स रणबीर’ असं लिहिलेल्या कारच्या मागे तो अनवाणी धावताना या व्हिडीओत दिसतोय. यावेळी त्याने पांढरा कुर्ता-पायजमा असा ‘कबीर सिंग’चा लूक केला आहे. ‘तू मेरी है मेरी ही रहेगी’ हे गाणं या व्हिडीओच्या बॅकग्राऊंडमध्ये ऐकायला मिळतंय. ’17 एप्रिल रोजी माझी अशीच अवस्था असेल’, असं कॅप्शन त्याने या व्हिडीओला दिलं आहे.
पहा व्हिडीओ-
आलियाची कमेंट-
हा व्हिडीओ पाहिल्यानंतर आलियालाही हसू अनावर झालं. ‘डेड’ (Ded) अशी कमेंट लिहिती तिने हसण्याचा इमोजी पोस्ट केला आहे. दुसरीकडे रणबीर कपूरची चाहती असलेली अभिनेत्री आशा नेगी हिनेसुद्धा या व्हिडीओवर कमेंट करत लिहिलं, ‘यासाठी आपण दोघं मिळून धावूया’. ‘कबीर सिंग’मधल्या त्या दृश्याचाच संदर्भ देत एका नेटकऱ्याने निकला म्हटलं, ‘अरे भावा, तुला बाईकवर घेऊन जाण्यासाठी कोणीच आलं नाही’.
गेल्या काही महिन्यांपासून रणबीर-आलियाच्या लग्नाची जोरदार चर्चा सुरू आहे. आलियाचे काका रॉबिन भट्ट यांनी नुकतीच लग्नाविषयीची माहिती दिली. ‘इंडिया टुडे’ला दिलेल्या मुलाखतीत त्यांनी सांगितलं की 14 एप्रिल रोजी रणबीरच्या वांद्रे इथल्या ‘वास्तू’ या घरात लग्न पार पडेल. तर 13 एप्रिल रोजी मेहंदीचा कार्यक्रम असेल.
हेही वाचा:
