Hera Pheri 3 | ‘हेरा फेरी 3’च्या अडचणीमध्ये मोठी वाढ, निर्मात्यांना कायदेशीर नोटीस, वाचा संपूर्ण प्रकरण

मुंबई : बाॅलिवूड अभिनेता अक्षय कुमार हा गेल्या काही दिवसांपासून त्याच्या आगामी हेरा फेरी 3 (Hera Pheri 3) या चित्रपटामुळे प्रचंड चर्चेत आहे. सुरूवातीला अक्षय कुमार याने या चित्रपटाला नकार दिला. इतकेच नाही तर एका जाहिर कार्यक्रमामध्ये अक्षय कुमार याने चित्रपटाला नकार देण्याचे थेट कारणही सांगून टाकले. अक्षय कुमार (Akshay Kumar) याने थेट म्हटले की, मला हेरा फेरी 3 चित्रपटाची स्क्रीप्ट अजिबात आवडली नसल्याने मी चित्रपटाला (Movie) नकार दिला आहे. बाकी सर्व अफवा आहेत. अक्षय कुमार याचे हे बोलणे ऐकून चित्रपट निर्मात्यांनी मोठा धक्का बसला. हेरा फेरी 3 चित्रपटामध्ये अक्षय कुमार हा दिसणार नसल्याचे कळताच चाहते नाराज झाले.

काही दिवसांनी सर्वांना मोठा धक्का देत अक्षय कुमार याने अचानकपणे हेरा फेरी 3 चित्रपटाला होकार दिला. अक्षय कुमार याने हेरा फेरी 3 ला नकार दिल्यानंतर निर्माते अक्षय कुमार याच्यासोबत अभिनेता कार्तिक आर्यन याच्याही संपर्कात होते. शेवटी अक्षय कुमार याने हेरा फेरी 3 चित्रपटाला होकार दिला. फक्त अक्षय कुमार हाच नाही तर बाॅलिवूडचा मोठा स्टार देखील हेरा फेरी 3 मध्ये सहभागी झालाय.

हेरा फेरी 3 मध्ये अक्षय कुमार याच्यासोबतच संजय दत्त देखील महत्वाच्या भूमिकेत आहे. काही दिवसांपूर्वी मुंबईमध्ये चित्रपटाचा प्रोमो देखील शेअर करण्यात आलाय. या चित्रपटाबद्दल चाहत्यांमध्ये मोठी उत्सुकता ही बघायला मिळत आहे. गेल्या काही दिवसांपासून सतत अक्षय कुमार याचे चित्रपट बाॅक्स आॅफिस फ्लाॅप जाताना दिसत आहेत. अक्षय कुमार याच्या या चित्रपटाकडून चाहत्यांना मोठ्या अपेक्षा आहेत.

गेल्या काही दिवसांपासून हेरा फेरी 3 चित्रपटाच्या समस्यांमध्ये मोठी वाढ होताना दिसत आहे. आता इरॉस इंटरनॅशनलने ट्रेड मॅगझिनमध्ये चित्रपटाविरोधात कायदेशीर नोटीस जारी करण्यात आली आहे. Eros International नी हेरा फेरी 3 चित्रपटाच्या निर्मात्यांना कायदेशीर नोटीस बजावली आहे. या नोटीसमध्ये चित्रपटाचे सर्व हक्क इरॉस इंटरनॅशनलकडे असल्याचा दावा करण्यात आला आहे.

काही दिवसांपूर्वीच हेरा फेरी 3 या चित्रपटाला टी सीरीजने देखील नोटीस बजावली आहे. यामुळे चित्रपट निर्मात्यांच्या समस्यांमध्ये सातत्याने मोठी वाढ होताना दिसत आहेत. काही दिवसांपूर्वीच अक्षय कुमार याचा सेल्फी हा चित्रपट रिलीज झाला होता. मात्र, अक्षय कुमार याच्या या चित्रपटाकडे प्रेक्षकांनी पाठ फिरवली आणि हा चित्रपटा बाॅक्स आॅफिसवर फ्लाॅप गेला.