Kareena Kapoor: ‘सैफने लोकसंख्या वाढीसाठी आधीच भरपूर योगदान दिलंय’, प्रेग्नंसीच्या चर्चांवर करीनाचं उत्तर

Kareena Kapoor Khan

Image Credit source: Instagram

अभिनेत्री करीना कपूर खान (Kareena Kapoor) ही तिसऱ्यांदा गरोदर असल्याच्या चर्चांना (pregnancy rumours) उधाण आलंय. या चर्चांमागचं कारण म्हणजे करीनाचा व्हायरल होत असलेला फोटो. या फोटोमध्ये तिचा बेबी बंप सहज पहायला मिळत आहे. त्यामुळे तैमुर आणि जेहनंतर करीना तिसऱ्या बाळाला जन्म देण्याच्या तयारीत असल्याचा अंदाज नेटकऱ्यांनी वर्तवला. या सर्व चर्चांनंतर आता खुद्द करीनाने उत्तर दिलं आहे. इन्स्टाग्राम स्टोरीवर एक पोस्ट लिहित करीनाने प्रेग्नंसीच्या चर्चांवर उत्तर दिलं आहे. ‘पास्ता आणि वाईनमुळे माझं पोट फुगल्यासारखं वाटत होतं आणि सैफ (Saif Ali Khan) म्हणतोय की त्याने लोकसंख्या वाढीसाठी आधीच भरपूर योगदान दिलंय,’ अशी उपरोधिक पोस्ट लिहित तिने प्रेग्नंसीच्या चर्चांना पूर्णविराम दिला आहे.

करीना गेल्या काही दिवसांपासून युरोपमध्ये सुट्ट्यांचा आनंद घेतेय. पती सैफ अली खान आणि तैमुर, जेह या आपल्या दोन मुलांसोबत ती तिच्या ड्रिम व्हेकेशनवर असून त्याचे काही फोटोसुद्धा ती सोशल मीडियावर शेअर करत आहे. मात्र या फॅमिली व्हेकेशनचा एक फोटो सोशल मीडियावर व्हायरल होत असून त्यावर कमेंट्सचा वर्षाव होत आहे. करीनाचा हा फोटो पाहून चाहते थक्क झाले आणि काहींनी तिला ट्रोलसुद्धा केलं. यामागचं कारण म्हणजे फोटोमध्ये दिसणारा करीनाचा बेबी बंप. सैफ आणि करीना एका मित्राला भेटले असून त्याच्यासोबतचा हा फोटो आहे. या फोटोमध्ये करीनाचा बेबी बंप सहज पाहायला मिळत आहे. यावरून नेटकऱ्यांनी विविध अंदाज व्यक्त करण्यात सुरुवात केली.

हाच तो फोटो-

करीनाचं स्पष्टीकरण-

‘पास्ता आणि वाईनमुळे पोट फुगलं होतं.. शांत राहा.. मी गरोदर नाही.. उफ्फ.. सैफ म्हणतोय त्याने आधीच लोकसंख्या वाढीसाठी खूप योगदान दिलंय. एंजॉय’, अशी पोस्ट करीनाने लिहिली. करीनाने ऑक्टोबर 2012 मध्ये सैफ अली खानशी लग्न केलं. 2016 मध्ये तिने तैमुरला आणि 2021 मध्ये तिने जेहला जन्म दिला.

करीना लवकरच लाल सिंग चड्ढा या चित्रपटात झळकणार असून यामध्ये आमिर खानसोबत ती काम करताना दिसणार आहे. अद्वैत चंदन दिग्दर्शित हा चित्रपट फॉरेस्ट गम्प या हॉलिवूड चित्रपटाच्या कथानकावर आधारित आहे. दुसरीकडे सैफ आदिपुरुष आणि विक्रम वेधा या चित्रपटांमध्ये भूमिका साकारणार आहे.