हॉलिवूडची प्रसिद्ध गायिका झाली एका झटक्यात बेघर, फोनही बंद; प्रचंड पैसा असूनही रस्त्यावर येण्याचं कारण काय?
लॉस एंजेलिस येथे लागलेल्या जंगलातील आगीमुळे अनेक सेलिब्रिटींना बेघर व्हावं लागलं आहे. या आगीमुळे हजारो लोक बेघर झाले आहेत आणि अनेकांचा जीव गेला आहे. आपले आलिशान घर सोडावे लागल्याची खंत अनेक सेलिब्रिटींनी व्यक्त केली असून त्यांना चक्क हॉटेलमध्ये राहण्याची वेळ आली आहे.
लॉस एंजेलिस, कॅलिफोर्निया येथील जंगलात लागलेल्या आगीमुळे अनेक हॉलिवूड स्टार्सना त्यांची घरे सोडावी लागली. असे अनेक लोक आणि सेलिब्रिटी आहेत ज्यांचे आलिशान बंगले जळून राख झाले आहेत.
लॉस एंजेलिस येथे लागलेल्या जंगलातील आगीमुळे सेलिब्रिटी बेघर
अमेरिकेतील कॅलिफोर्निया राज्यातील लॉस एंजेलिस येथे लागलेल्या जंगलात लागलेल्या आगीने तेथील हॉलिवूड स्टार्सना चांगलंच अडचणीत आणलं आहे. कारण आगीने संपूर्ण हॉलिवूड हिल्सला वेढले आहे. त्यामुळे तेथे राहणाऱ्या लोकांना घरे आणि त्यांचे बंगलो सोडण्यास सांगण्यात आले आहे. यामध्ये अनेक स्टार्सचाही सहभाग होता.
गायिका ब्रिटनी स्पीयर्स देखील या सेलिब्रिटींमध्ये आहे ज्यांना आपले घर सोडावे लागले. लॉस एंजेलिसमधील वणव्यामुळे तिला आपला आलिशान बंगला सोडावा लागला.
ब्रिटनीने सोशल मीडियावर तिची व्यथा मांडली
ब्रिटनीने सांगितल्याप्रमाणे कॅलिफोर्नियातील थाउजंड ओक्स येथे तिचे 7.4 दशलक्षचे अलिशान घर सोडून त्यांना हॉटेलमध्ये आश्रय घ्यावा लागला. स्पीयर्सने इंस्टाग्रामवर एका पोस्टमधून तिच्या भावना व्यक्त केल्या आहेत. तिने लिहिले आहे “मला आशा आहे की तुम्ही सर्वजण बरे असाल. मला माझे घर रिकामे करावे लागले आणि मी तब्बल 4 तासांचा प्रवास करून एका हॉटेलमध्ये राहण्यासाठी आले आहे.
दोन दिवस वीज नाही
स्पीयर्सने असेही सांगितले की, गेल्या दोन दिवसांपासून तिच्याकडे वीज नव्हती, त्यामुळे ती फोन चार्ज करू शकत नव्हती. ती म्हणाली की “मला नुकताच माझा फोन परत मिळाला आहे. मी तुम्हा सर्वांसाठी प्रार्थना करते आणि माझे प्रेम पाठवते”
View this post on Instagram
2015 मध्ये आलिशान घर विकत घेतलं होतं
एका रिपोर्टनुसार 2015 मध्ये खरेदी केलेला त्याचा 13,000 स्क्वेअर फूट इटालियन शैलीचा व्हिला सध्या सुरक्षित आहे. लॉस एंजेलिस परिसरातील शेकडो हजारो लोकांना पॅलिसेड्स परिसरात जंगलात लागलेल्या आगीमुळे घरे सोडावी लागली आहेत. आतापर्यंत यात किमान 10 जणांचा मृत्यू झाला आहे. या आगीमुळे आणि त्यानंतरच्या घटनांमुळे अनेक सेलिब्रिटीही त्यांच्या घरातून बेघर झाले आहेत.
पॅरिस हिल्टनचे घरही उद्ध्वस्त झाले
ब्रिटनी स्पीयर्सची मैत्रीण आणि “द सिंपल लाइफ” स्टार पॅरिस हिल्टन हिनेही तिचे मालिबूमध्ये असणारे घर आगीत गमावले. पॅरिसने इंस्टाग्रामवर लिहिले आहे की “तिला फार दु:ख झाले असून कुटुंबासोबत तुमचे घर टीव्हीवर लाइव्ह जळताना पाहणे ही प्रचंड वेदना देणारी गोष्ट आहे.” अशी पोस्ट करत तिने दु:ख व्यक्त केलं आहे.
दरम्यान पॅरिसने तिचे कुटुंब सुरक्षित असल्याचं तिच्या चाहत्यांसोबत शेअर केलं आहे. तसेच तिची कंपनी 11:11 मीडिया इम्पॅक्ट गरजू लोकांना मदत करण्यासाठी काम करत असल्याचंही तिने सांगितले.
