‘दृश्यम 2’ अभिनेत्री एअरपोर्टवर नवऱ्यासोबत भलतीच झाली रोमँटिक; नेटकरी म्हणाले..
'दृश्यम 2' अभिनेत्रीचा 'तो' व्हिडीओ पाहून भडकले नेटकरी; एअरपोर्टवर सर्वांसमोर..
मुंबई: दाक्षिणात्य चित्रपटसृष्टीसोबतच बॉलिवूडमध्ये विशेष छाप सोडणारी अभिनेत्री श्रिया सरन तिच्या बिनधास्त स्वभावामुळे ओळखली जाते. श्रियाचा ‘दृश्यम 2’ हा चित्रपट नुकताच प्रदर्शित झाला. लग्नानंतर परदेशात स्थायिक झालेली श्रिया या चित्रपटाच्या प्रमोशननिमित्त पतीसोबत भारतात आली होती. पतीसोबत पुन्हा परदेशी जाताना तिचा एअरपोर्टवरील एक व्हिडीओ सध्या सोशल मीडियावर व्हायरल होतोय. या व्हिडीओमध्ये ती एअरपोर्टवर सर्वांसमोर पतीबद्दलचं प्रेम जाहीर करताना दिसून येतेय.
श्रियाने 2018 मध्ये रशियन टेनिसपटू आंद्रे कोशिव्ह याच्याशी लग्न केलं. त्याच्यासोबतचे बरेच फोटो आणि व्हिडीओ श्रिया तिच्या इन्स्टाग्राम अकाऊंटवर पोस्ट करताना दिसते. सोशल मीडियावर नुकत्याच व्हायरल झालेल्या या पोस्टमध्ये श्रिया तिच्या पतीसोबत अत्यंत खूश दिसत आहे. तिच्या चेहऱ्यावरील हास्य तिच्या आनंदाला जगजाहीर करत आहे.
एअरपोर्टवर पापाराझींसाठी पोझ देताना श्रिया पतीसोबत लिपलॉक करताना दिसली. सार्वजनिकरित्या लिपलॉक केल्याचा तिचा हा व्हिडीओ सोशल मीडियावर व्हायरल झाला आहे. त्यावरून नेटकऱ्यांनी श्रियावर टीकासुद्धा केली आहे.
‘जगाला माहीत आहे की हा तुझा पती आहे, मग असं करणं गरजेचं होतं का’, असा सवाल एका युजरने केला. तर ‘कॅमेरा पाहून उगाच दिखावेपणा करतेय’ असं दुसऱ्याने म्हटलं.
पहा व्हिडीओ-
श्रिया आणि आंद्रे यांना एक मुलगी आहे. 2020 मध्ये तिने मुलीला जन्म दिला. 2018 मध्ये तिने राजस्थानमध्ये आंद्रेशी लग्न केलं. या दोघांची पहिली भेट मालदीवमध्ये झाली होती. लग्नानंतर ती पतीसोबत बार्सिलोनामध्ये राहतेय. 2020 मध्ये तिने भारतात परतण्याचा निर्णय घेतला होता.
श्रियाचा ‘दृश्यम 2’ हा चित्रपट सध्या बॉक्स ऑफिसवर चांगलाच गाजतोय. यामध्ये तिने अजय देवगणच्या पत्नीची भूमिका साकारली आहे. 2015 मध्ये प्रदर्शित झालेल्या ‘दृश्यम’ या चित्रपटातही ती अजयच्या पत्नीच्या भूमिकेत होती.
