Video: पाकिस्तानात सलमान खान पार्क करत आहे बाइक? कराचीमधील व्हिडिओ व्हायरल

पहलगाममधील दहशतवादी हल्ल्याने प्रत्येकाचे मन दुखावले आहे. सोशल मीडियावर सध्या फक्त आणि फक्त पहलगामचीच चर्चा आहे. कोणी 22 एप्रिलशी संबंधित व्हिडिओ पाहून अस्वस्थ होत आहे, तर कोणी भारत सरकारकडे दोषींवर कठोरात कठोर कारवाईची मागणी करत आहे. याच दरम्यान पाकिस्तानातून समोर आलेला अनेक वर्षांपूर्वीचा एक व्हिडिओ पुन्हा चर्चेत आला आहे. काही वर्षांपूर्वी हा व्हिडिओ सोशल मीडियावर खूप व्हायरल झाला होता. यामध्ये दिसणारी व्यक्ती हुबेहूब बॉलिवूड अभिनेता सलमान खानसारखी दिसत आहे.

पाकिस्तानात गाडी पार्क करताना दिसला सलमानचा हमशक्ल

हा व्हिडिओ पाकिस्तानच्या कराचीचा आहे. व्हिडिओमध्ये सलमान खानचा हमशक्ल एखाद्या बाजारात आपली गाडी पार्क करताना दिसत आहे. ही व्यक्ती केवळ दिसायलाच सलमान खानसारखी नाही, तर केसांच्या स्टाइलपासून ते सर्व काही बॉलिवूडच्या भाईजानशी जुळणारा आहे. यामुळेच हा व्हिडिओ समोर येताच अनेक लोक फसत आहेत. जेव्हा हा व्हिडिओ समोर आला, तेव्हा सलमान खानचे चाहते हे जाणून घेण्यासाठी उत्सुक होते की ही व्यक्ती नेमकी कोण आहे? लोकांनी हा व्हिडीओ सलमान खानला टॅग करून हा प्रश्नही विचारला होता की तो कराचीत काय करत आहे?

Watch: Salman Khan’s lookalike spotted in Karachi.@SherySyed_ @khalid_pk pic.twitter.com/xyqUuNiBfN

— حاجی موسیٰ سوریا (@HajiMoosaSuriya) January 19, 2019

जगभरात सलमान खानचे चाहते

संपूर्ण देशात सलमान खानची क्रेझ पाहायला मिळते. केवळ देशातच नाही, तर परदेशातही त्याचे चाहते आहेत. हे चाहते केवळ सलमानच्या चित्रपटच पाहत नाहीत, तर त्याच्या प्रत्येक स्टाइलची कॉपी करतात. ‘तेरे नाम’ चित्रपटाच्या रिलीजवेळी अनेकांनी त्याची हेअर स्टाइल कॉपी केली होती. तसेच लोक त्यांच्या निळ्या दगडाच्या ब्रेसलेटच्या स्टाइलचीही खूप कॉपी करतात. सध्या समोर आलेल्या व्हिडिओचे सत्य हे आहे की यामध्ये सलमान खान नाही, तर त्याचा हमशक्ल आहे.