‘दायरा’ चित्रपटाच्या ट्रेलर लाँचवेळी करीना कपूर भडकली, सँडल दाखवत म्हणाली की…

Kareena Kapoor Video: करीना कपूर आणि पृथ्वीराज सुकुमारन स्टार कास्ट असलेल्या दायरा चित्रपटाचं चित्रिकरण नुकतंच पूर्ण झालं आहे. हा चित्रपट 18 सप्टेंबर 2026 रोजी रिलीज होणार आहे. तत्पूर्वी या चित्रपटाचा ट्रेलर लाँच करण्यात आला. सोमवारी या चित्रपटाचा ट्रेलर लाँच केला असून इंटेंस आणि सस्पेंस चित्रपट असल्याचं ट्रेलरमधून दिसून येत आहे. या चित्रपटात करिना कपूर एका पोलीस अधिकाऱ्याची भूमिका बजावत आहे. एका एसआयटीचा भाग असून बलात्कार आणि मर्डरमधील आरोपीच्या एनकाउंटरचा तपास करत आहे. तर पृथ्वीराज सुकुमारन पोलीस अधिकारी असून त्याच्यावर फेक एनकाउंटरचा आरोप आहे. अशी या चित्रपटाची कथा गुंफली असून मेकर्सच्या मते, हा चित्रपट सत्य घटनेवर आधारीत आहे. त्यामुळे चित्रपटप्रेमींमध्ये प्रचंड उत्सुकता आहे. असं असताना या चित्रपटाच्या ट्रेलर लाँचिंगवेळी एक विचित्र प्रकार पाहायला मिळाला. अभिनेत्री करीना कपूर हिने संताप व्यक्त केला. पॅपराजीच्या विचित्र वागण्यावर तिने थेट राग व्यक्त करत सँडल दाखवले.

मुंबईत दायरा चित्रपटाच्या ट्रेलर लाँचिंगवेळी स्टारकास्ट आणि डायरेक्टर मेघना गुलजारसह चित्रपटाच्या निगडीत लोकांनी हजेरी लावली होती. हा कार्यक्रम कव्हर करण्यासाठी पॅपराजींनी हजेरी लावली होती. या दरम्यान सर्व फोकस हा करीना कपूरवर होता. इतकंच काय परफेक्ट फ्रेम मिळावी म्हणून पॅपराजीचा प्रयत्न होता. त्यामुळे कार्यक्रमादरम्यान नुसता आरडाओरडा सुरू होता. फोटो सेशनवेळी स्टारकास्टला कधी इकडे तर कधी तिकडे जाण्याची विनवणी पॅपराजी करत होते. पण यावेळी त्यांचा आरडाओरडा पाहून आणि वारंवार केलेली विनंती पाहून करीना कपूर भडकली. तिने पॅपराजीवर आपला राग काढला.

View this post on Instagram

A post shared by Bollywood Five (@bollywoodfive)

काय म्हणाली करीना कपूर?

दायरा चित्रपटाच्या ट्रेलर लाँचिंग कार्यक्रमावेळी करीना कपूर आणि पृथीराज सुकुमारन दोन्ही टोकाला होते. पण पॅपराजी फ्रेमच्या नादात कधी इकडे तर कधी तिकडे वळण्याची विनंती करत होते. त्यामुळे करीना कपूर संतापली आणि म्हणाली की,’हाच सेंटर आहे, कधी इकडे कधी तिकडे.. हिल्स घातले आहेत.’