तारक मेहता मालिकेच्या एक्स दिग्दर्शकाचा धक्कादायक खुलासा, शोमधील कलाकारांबद्दल मोठे विधान करताना दिसला मालव राजदा

मुंबई : तारक मेहता का उल्टा चश्मा ही मालिका गेल्या पंधरा वर्षांपासून चाहत्यांचे जोरदार मनोरंजन (Entertainment) करताना दिसत आहे. तारक मेहता मालिकेची जबरदस्त अशी फॅन फाॅलोइंग ही बघायला मिळते. विशेष म्हणजे प्रत्येक वयोगटातील सर्वांनाच ही मालिका प्रचंड आवडते. तारक मेहता का उल्टा चश्मा मालिकेतील कलाकारांची देखील मोठी फॅन फाॅलोइंग (Fan following) ही सोशल मीडियावर बघायला मिळते. मात्र, गेल्या काही दिवसांपासून मालिकेचे निर्माते असित कुमार मोदी यांच्यावर अत्यंत गंभीर आरोप होताना दिसत आहेत.

असित कुमार मोदी यांच्यावर होत असलेल्या आरोपांनंतर आता चाहत्यांना देखील मोठा धक्का बसल्याचे दिसत आहे. शैलेश लोढा यांनी तर असित कुमार मोदी यांच्या विरोधात थेट कोर्टात धाव घेतली. शैलेश लोढा यांनी असित कुमार मोदीवर अत्यंत गंभीर आरोप केले आणि म्हटले की, माझ्या कामाचे पैसे मला दिले जात नाहीत.

शैलेश लोढाच नाही तर तारक मेहता का उल्टा चश्मा मालिकेचे 14 वर्षांपासून असलेले दिग्दर्शक मालव राजदा याने शोला रामराम केला आहे. आयुष्यामध्ये पुढे काही गोष्टी चांगल्या करायच्या असल्याने शो सोडत असल्याचे अगोदर मालव राजदा म्हटले होते. मात्र, असित कुमार मोदीसोबत असलेल्या वादामुळेच मालव राजदा शो सोडल्याचे कळते.

नुकताच आता मालव राजदाने सोशल मीडियावर खास चाहत्यांसाठी एका सेशनचे आयोजन केले होते. यावेळी काही मोठे खुलासा करताना मालव राजदा दिसला. यावेळी तारक मेहता का उल्टा चश्मा मालिकेतील कलाकारांबद्दल धक्कादायक खुलासा करताना मालव राजदा हा दिसला आहे.

मालव राजदा म्हणाला की, मला समजले की, तारक मेहता का उल्टा चश्मा मालिकेतील जास्त करून कलाकार हे गिरगिटसारखे आहे. जेनिफर मिस्त्री बन्सीवाल, अमित भट्ट, अझहर शेख, पलक सिंधवानी यांच्यासोबत असलेल्या मैत्रीवर बोलताना देखील मालव राजदा हा दिसला आहे.

एका चाहत्यांने मालव राजदाला तारक मेहता मालिकेमधील पुनरागमनाबद्दल प्रश्न विचारला. यावेळी मालव राजदा म्हणाला की, ही संभव गोष्ट नाहीये. म्हणजेच काय तर मालव राजदा याने स्पष्ट केले की, परत तो कधीच तारक मेहता का उल्टा चश्मा मालिकेत दिसणार नाहीये. गेल्या काही दिवसांपासून अनेक कलाकार हे असित मोदीवर आरोप करताना दिसत आहेत.