अमृता खानविलकरचं स्वप्न पूर्ण…; नव्या माध्यमातून येणार प्रेक्षकांच्या भेटीला
Actress Amruta Khanvilkar Post : अभिनेत्री अमृता खानविलकर हिने एक पोस्ट शेअर केली आहे. यात तिने तिची स्वप्नपूर्ती झाल्याचं सांगितलं आहे. अमृताला आपण सिनेमांमधून पाहिलं आहे. आता ती नव्या माध्यमातून प्रेक्षकांच्या भेटीला येत आहे. अमृताच्या पोस्टमध्ये काय? वाचा सविस्तर....
अभिनय आणि नृत्य यातून कायम प्रेक्षकांची मन जिंकणारी अभिनेत्री अमृता खानविलकर हिचं स्वप्न पूर्ण झालं आहे. ‘वर्ल्ड ऑफ स्त्री’ या नृत्य संगीतात तिच्या भव्य नाट्यपदार्पणासह एक नवीन प्रवास सुरू केला आहे. थेट प्रेक्षकांसमोर सादरीकरण करण्याचे तिचे दीर्घकाळचे स्वप्न पूर्ण या निमित्ताने पूर्ण होतंय. अमृताच्या आगामी ‘वर्ल्ड ऑफ स्त्री’ मधून शास्त्रीय आणि अर्ध-शास्त्रीय संगीत आणि नृत्याची अनोखी मैफिल यातून अनुभवयाला मिळणार आहे. याचा टीझर अमृताने इन्स्टाग्रामवर शेअर केला आहे. यातून या नृत्य संगीतनाट्याच्या माध्यमातून अमृता प्रेक्षकांच्या भेटीला येणार आहे.
अमृताची स्वप्नपूर्ती
‘वर्ल्ड ऑफ स्त्री’मध्ये अमृता सोबत डान्स गुरु आशिष पाटील आणि 10 अफलातून नर्तकांची प्रतिभावान टीम आहे. 90 मिनिटांचा लाइव्ह ऑडिओ-व्हिज्युअल परफॉर्मन्स भक्ती (भक्ती), सौंदर्य (श्रृंगार) आणि डायनॅमिक एनर्जी (शिवशक्ती) च्या थीम्स नुसार असणार असून तो नक्कीच मंत्रमुग्ध करणारा असणार आहे. अमृता एक अभिनेत्री म्हणून सगळ्यांना माहीत आहे पण तिच्या नृत्य अविष्कराची अनोखी बाजू वर्ल्ड ऑफ स्त्री मधून अनुभवयाला मिळणार आहे.
अमृताने याआधी एक कमालीचं पोस्टर तिच्या सोशल मीडिया वरून शेयर केलं होत आणि आता अमृताने ‘वर्ल्ड ऑफ स्त्री ‘चा टीझर लाँच केला आहे. तिने या टीझरमधून या कार्यक्रमाची एक सुंदर झलक प्रेक्षकांना दिली आहे. तिच्या या पोस्टवर कमेंट करत चाहत्यांनी या कार्यक्रमासाठी उत्सुक असल्याचं म्हटलं आहे.
अमृता काय म्हणाली?
नृत्य हा कायमचं माझ्या जिव्हाळ्याचा विषय आहे. वर्ल्ड ऑफ स्त्री च्या निमित्तानं नाट्य, नृत्य आणि संगीत यांची अनोखी सांगड घालून ही एक मैफिल प्रेक्षकांना देणं हे माझ्यासाठी स्वप्न होत आणि ते पूर्ण होतंय… आशिष पाटील अर्थ एनजीओ यांच्यासोबत सहकार्य करून आणि कथ्थक नर्तकांची एक अत्यंत कुशल टीम सोबत घेऊन हा नवा प्रवास सुरू करणं माझ्यासाठी खूप आनंदाची बाब आहे, असं अमृता या तिच्या नव्या प्रोजेक्टबद्दल म्हणाली.
मी कायम प्रेक्षकांना काय हवंय हे देण्याचा प्रयत्न केला आहे. संगीत आणि नृत्य कार्यक्रमांच्या वाढत्या लोकप्रियतेमुळे वर्ल्ड ऑफ स्त्री रंगमंचावर घेऊन येण्यासाठी मी खूप उत्सुक आहे. कमालीचे व्हिज्युअल, भावपूर्ण संगीत आणि मनमोहक नृत्य सादरीकरणासह प्रेक्षकांचे मनोरंजन करणे आणि त्यांना मंत्रमुग्ध करणे हेच आमचं ध्येय आहे, असंही अमृता खानविलकर म्हणाली आहे.
