लतादीदी-इला अरुण यांच्या आवाजाची जादू अन् श्रीदेवीच्या डान्सचा भन्नाट माहोल, 35 वर्षांपासून गाणं टॉपला

1991 मध्ये प्रदर्शित झालेल्या 'लम्हे' चित्रपटातील 'मोरनी बागा मा बोले' हे गाणं आजही संगीतप्रेमींच्या आवडीचं आहे. लग्नसमारंभांपासून सांस्कृतिक कार्यक्रमांपर्यंत या गाण्याची लोकप्रियता कायम आहे. श्रीदेवीच्या नृत्यामुळे या गाण्याला विशेष ओळख मिळाली.

लतादीदी-इला अरुण यांच्या आवाजाची जादू अन् श्रीदेवीच्या डान्सचा भन्नाट माहोल, 35 वर्षांपासून गाणं टॉपला
Sridevi Superhit Song
Image Credit source: Social Media
| Updated on: Nov 20, 2026 | 9:53 PM

1991 मध्ये प्रदर्शित झालेल्या ‘लम्हे’ चित्रपटातील ‘मोरनी बागा मा बोले’ हे गाणं आजही संगीतप्रेमींच्या प्रचंड आवडीचं आहे. श्रीदेवीच्या नृत्यामुळे या गाण्याला एक वेगळी ओळख मिळाली. विशेष बाब म्हणजे, या गाण्यामागील निर्मितीमध्ये प्रेरणा राजस्थानच्या लोकसंस्कृतीतून घेण्यात आली होती. प्रेम, विरह आणि प्रिय व्यक्तीच्या प्रतीक्षेच्या भावना गाण्यातून व्यक्त करण्यात आल्या होत्या.

लता मंगेशकर आणि इला अरुण यांच्या वेगळ्या आवाजांचा संगम, शिव-हरी यांचं संगीत आणि आनंद बक्षी यांचे शब्द यामुळे गाण्याला खास राजस्थानी टच मिळाला. रोमान्सचे बादशाह म्हणून प्रसिद्ध असलेल्या यश चोप्रा यांचा ‘लम्हे’ चित्रपट 22 नोव्हेंबर 1991 रोजी प्रदर्शित झाला होता. आजही हे गाणं प्रचंड आवडीनं ऐकलं आणि पाहिलं जातं.

Loading...

राजस्थानच्या लोकसंस्कृतीतून गाण्याला मिळाली प्रेरणा

या गाण्याची खासियत म्हणजे त्याची मुळं राजस्थानच्या लोकपरंपरेत आहेत. राजस्थानमधील लोकजीवन, प्रेम आणि विरहाच्या भावना या गाण्यातून व्यक्त होतात. लोकगीतांमधून महिला आपल्या प्रिय व्यक्तीची आठवण आणि भेटीची ओढ व्यक्त करत असत.

गाण्यातील मोरनीचा आवाजही प्रतीकात्मक

बागेत मोरनीचा आवाज ऐकू येणं हे प्रेमिकेच्या मनातील भावनांचं आणि प्रिय व्यक्तीच्या प्रतीक्षेचं प्रतीक आहे. या गाण्यात राजस्थानच्या प्रसिद्ध मांड गायनशैलीची झलकही ऐकायला मिळते. शास्त्रीय संगीत आणि लोकसंगीताचा सुंदर संगम यात पाहायला मिळतो.

 

 

लता मंगेशकर आणि इला अरुण यांच्या आवाजाची जादू

आनंद बक्षी यांनी या गाण्याचे बोल लिहिले होते, तर शिव-हरी जोडीने संगीत दिलं होतं. लता मंगेशकर यांच्या सुरेल आवाजाला इला अरुण यांच्या लोकसंगीताचा खास ठसका लाभला. या दोन वेगळ्या आवाजांच्या संगमामुळे गाण्याला राजस्थानी रंग मिळाला.

श्रीदेवीच्या नृत्याने गाण्याला मिळवून दिली वेगळी ओळख

निळ्या रंगाच्या सुंदर पोशाखातील श्रीदेवीचा डान्स आणि तिच्या अदांनी प्रेक्षकांची मनं जिंकली. वाळवंटाच्या पार्श्वभूमीवर चित्रित झालेलं हे गाणं श्रीदेवीच्या संस्मरणीय गाण्यांपैकी एक ठरलं. यश चोप्रा दिग्दर्शित ‘लम्हे’ चित्रपट 22 नोव्हेंबर 1991 रोजी प्रदर्शित झाला होता.

Loading...
Unable to load recommendations.
Follow Us