Sushant Death Case | Painless Death विषयी गुगल सर्च, स्किझोफ्रेनियाचीही माहिती, सुशांतने आत्महत्येपूर्वी काय काय केलं?
सुशांतच्या बिल्डिंगचे 13 अणि 14 जूनचे सीसीटीव्ही फूटेज चेक केले, पण पार्टीबाबत कोणतेच पुरावे आढळले नाहीत, अशी माहिती परमवीर सिंह यांनी दिली.
मुंबई : बॉलिवूड अभिनेता सुशांतसिंह राजपूत याने आत्महत्या करण्यापूर्वी गुगलवर ‘पेनलेस डेथ’ (वेदनेविना मृत्यू) याविषयी सर्च केलं होतं, अशी माहिती मुंबईचे पोलीस आयुक्त परमवीर सिंह यांनी दिली. (Mumbai Police CP Param Bir Singh on Sushant Singh Rajput Suicide case)
“सुशांतच्या बिल्डिंगचे 13 अणि 14 जूनचे सीसीटीव्ही फूटेज चेक केले, पण पार्टीबाबत कोणतेच पुरावे आढळले नाहीत. म्हणजेच सुशांतने आत्महत्या करण्याच्या आदल्या रात्री म्हणजेच 13 जूनला कुठलीच पार्टी केली नव्हती. त्याने गुगलवर ‘पेनलेस डेथ’ (वेदनेविना मृत्यू) याविषयी सर्च केलं. बायपोलर डिसॉर्डर, स्किझोफ्रेनिया याबद्दलही सर्च केलं होतं” अशी माहिती परमवीर सिंह यांनी पत्रकारांना दिली.
सुशांतसिंह राजपूत आत्महत्या प्रकरणात आतापर्यंत 56 जणांचे स्टेटमेंट घेण्यात आले आहेत. मुंबई पोलीस, वांद्रे पोलीस योग्य दिशेने तपास करत आहेत. आर्थिक, आरोग्यविषयक तसंच इतर सर्व बाजूने तपास सुरु आहे, असे परमवीर सिंह यांनी सांगितले.
मुंबई पोलिसांनी 16 जूनला सुशांतच्या कुटुंबियांचा जबाब नोंदवला होता. त्यावर त्यांचे हस्ताक्षरही आहे. चौकशी काळात सुशांतच्या वडील, बहीण, मेहुणा यांचे जबाब घेतले. त्यांनी कोणावरही संशय व्यक्त केले नव्हते. त्याच्या वडिलांनी नंतर बिहारमध्ये तक्रार दाखल केली, असेही पोलीस आयुक्तांनी सांगितले.
हेही वाचा : ‘आता बास झालं, मुंबई पोलीस आमची शान, आमचा गर्व’, मराठी दिग्दर्शक खवळला
मुंबई पोलिसांना या सगळ्याचं स्टेटमेंट रेकॉर्ड करायचं आहे, पण कुणी समोर येत नाहीये. एखाद्या राज्यात घटना घडली असेल तर त्याचा तपास त्याच राज्याचे पोलीस करतात. याबाबत आम्ही अधिक कायदेशीर माहिती घेत आहोत. पाटणा पोलिसांनी झीरो एफआयआरने गुन्हा मुंबईत ट्रान्सफर करायला हवा होता, असा तपास कधीच होत नाही, असेही परमवीर सिंह म्हणाले.
सुशांतची एक्स मॅनेजर दिशा सालियान आत्महत्या प्रकरणातील कोणतीच फाईल डिलीट झाली नाही, तपास सुरुच आहे, अशी माहितीही त्यांनी दिली.
बिहारच्या एसपींच्या होम क्वारंटाईनवर वाद
अभिनेता सुशांतसिंह राजपूत आत्महत्या प्रकरणाचा तपास करण्यासाठी मुंबईला आलेल्या बिहारच्या एसपींना बळजबरीने होम क्वारंटाईन केल्याचा आरोप बिहारचे पोलिस महासंचालक गुप्तेश्वर पांडे यांनी केला होता. त्यानंतर देशांतर्गत विमान प्रवास करणाऱ्या व्यक्तींसाठी नियमावली ठरवण्यात आली आहे, त्यानुसार पाटणा शहराचे पोलिस अधीक्षक विनय तिवारी यांना होम क्वारंटाईन करण्यात आले, असे स्पष्टीकरण मुंबई महापालिकेने दिले आहे.
सुशांतसिंह राजपूत आत्महत्या प्रकरणाचा आढावा घेताना तपासामध्ये पारदर्शकता ठेवण्याबरोबरच चोख तपास करण्याच्या सूचनाही मुख्यमंत्री उद्धव ठाकरे यांनी दिल्या आहेत.
VIDEO : Uddhav Thackeray | सुशांत सिंह आत्महत्या प्रकरणावर मुख्यमंत्री उद्धव ठाकरेंची प्रतिक्रिया https://t.co/u9BpY6EJo0
— TV9 Marathi (@TV9Marathi) August 3, 2020
संबंधित बातम्या :
बिहार पोलीस सुशांतच्या मॅनेजरच्या आत्महत्येचीही चौकशी करणार
सुशांतचा नोकर सॅम्युअल मिरांडाच्या घराबाहेर मुंबई पोलीस तैनात, बिहार पोलिसांकडूनही तपासाचा धडाका
(Mumbai Police CP Param Bir Singh on Sushant Singh Rajput Suicide case)
